قصيدة : يامسافرين

الشاعر : كرار حيدر الخفاجي

الرادود : الحاج ملا باسم الكربلائی

المناسبة : عن العليلة

الزمن : ليلة 3 محرم 1440

هيئة شباب الاكبر - لندن

يمسافرين وياكم اخذوني اخذوني

من البجي لا يعمن عيوني عيوني

*****

لو ما اروح بهاي رحلتكم

فوق المرض تكتلني فرقتكم

ما بيكم اتأجلون سفرتكم

اجلوها عاد لخاطر عيوني

*****

انا العليلة و بيكم اتنخه

لو رحتوا حيلي امن السهر يرخه

لصرخ بعدكم يا هلي صرخة

حد ما اطيح و ينخطف لوني

*****

طفلة و بعدني زغيرة عالفرقة

من هسه احس بروحي مختنقه

لو رحتوا يمكن ما بعد ملقه

كل خوفي يهل الخير تنسوني

*****

ابقه بحسرتي و مدمعي الهامل

اشتاق لحسين و ابو فاضل

قلبي بسفركم ما هو متفائل

و الموت تارس فكري و ضنوني

*****

جفني اليهل ما ينقطع نوحه

و الفاجد اتمل الصبر روحه

الفارق هله متفارقه جروحه

و انتوا بمسيرتكم جرحتوني

*****

تمشون عني و تكثر احزاني

يبقه القلب يهل الوفه متاني

الشوفت خواتي و شوفت اخواني

بلكت قبل ما اموت يلفوني

*****

ليلة اعله ليلة مناطر الجيه

يمته الضعن يرجع يمر بيه

خايفه الموت يسير عليه

و احباب قلبي الوحدي عافوني

تعليقات

لإرسال تعليق یجب أن تسجل في الموقع

ملفات فيديو

more_horiz

مقالات المرتبطة

آخر الصوتيات المضافة

آخر المرئيات المضافة

  • 2.00x
  • 1.50x
  • 1.00x
  • 0.75x