Mon20191118


ما أريدك

باسم الكربلائي

ما أريدك باسم الكربلائي
باسم الكربلائي
لطميات
إجعل هذا الفيدیو في موقعك
128 × 72
240 × 135
480 × 270
640 × 360
عرف
:طول
px
:عرض
px
ما اريدك - باسم الكربلائي
تاريخ الاضافة
2018-10-07
المشاهدة
421
المدة
00:12:35
عدد التحميلات
119

نص هذا المقطع

قصيدة : ما أريدك

للشاعر : ميرزا عادل اشكناني

المناسبة : ليلة 23 محرم 1440 هـ

طور بداية المستهل : ها_يشيعه

حسينية ام الحسن (ع) - البصرة - قضاء الفاو

ما أريدك تعتذر يالماكو مِثلَك ؟

يا كفيلي و آنـه أَوْلَـه أعْـتِــذر لـك

يا أعذب اِمن الـماي .. ما قصِّرت ويّاي

*****

آنه أوّل شَمِس طِـلْـعَـت بالمِسيَّـه

گبُل لا عُوفك عله الشَّاطِي رميَّه

خويه ما جيت أطلب ابحگّ الوصيه

جيت أگلَّك شُكراً أْو أطلَع سبيَّه

لا يِهمَّـك للسبي لو راحَت إختَك

خويه إبقه اعْله النهر مبْريَّه ذِمْـتَـك

رغْم الـمَشي اوْيه اِعداي.. ما قصِّرت ويّاي

*****

جيت بس اِعْتابي بالخيمه تِـرَكْـتـه

اِعْليمن أعْتِب خويه هُوَّه اِمْقصِّر إنته ؟

ياهُو مثلك ضحَّه بيْساره اْو يَمِنته

و السَّهَم بعْيونه لجْل اعِيون إخته

ما أعاتب و آنه أدري ابتضحياتك

كفو مـنّـك يالذي امـدلِّل خواتك

أشهَـد يخوي ابهاي .. ما قصِّرت ويّاي

*****

إنته سامِحْني إذا وحدي اِعْتِـنيـتك

ما خَذِت إِذنَـك لَمَن للشاطي جيتك

أطلع اِمْن الخيمه ما تقبَل حَمِيتَـك

لچن مجبوره الزلِم داسْوا ثِـنِـيتـك

خويه عذراً لو نحِت مثْل الثّواكِـل

مو بـديَّه إنشاف طُولي يا بوفاضل !

يا من چنتلي اِفياي .. ما قصِّرت ويّاي

*****

اِثْلاثه و اِثمانين طفله أْو حُرمه ويَّاي

وَحده وَحده اتگول سامِحْنه يوَفَّايْ

و الرَّباب اِعْله الأخصْ تتعذّر اِهْوايْ

اِبسبب طفلي طاحن اچفوفه عله المايْ

أعتذر لك چي شرَبْـت الماي عگبك

و إنته ظامي بعدك اْو ممرود گلبك

هَم ظامي هَم روّاي  .. ما قصِّرت ويّاي

*****

أعتذرلك خويه لو أكسِر سُكوتي

اِبْخُطْبة الكوفه تره ايْسِمْعُون صُوتي

اهْناك يا عبَّاس راح أتمنَّه موتي

اِشْما أحَشِّم ما يِفِزْعُولي اُخُـوتي

من أحَشمك أدري آذيك ابونيني

آنه عاذرتك و لو ما تعتـنـيـني

لو ما تجي عنّاي .. ما قصِّرت ويّاي

*****

اْعليَّه لو طرِّ الصبُح راح أمشي عنَّك

واللّي فرْهَـد خدري باچِر يحدي ظعنك

ما أظن تدري اشكثر خجْلانه منّك

تبقه مرمي اعله الشريعه او ما أدِفنك

وصله وصله شفتك امگطعين جسمَك

اشلون أدفنك يا بوفاضل بيش الـمَّـك

يالضَّيَّـعتـلي الـرَّاي .. ما قصِّرت ويّاي

*****

عن يتاماك اْو حريمك بالنِّيابه

أعتذرلك يمكنِ اِنْبات ابْخَرَابه

اوعگب عُمْري اويَّاك بالعِـزْ و المَهَابه

أدخل اِعْله ايْزيد و ابچفّه شَرابه

أدري صعبه عالرُمُحْ راسَـك يشاهد

أوگف آنه ابمجلس اْو مروان گاعد

لو أعتِب اِبْشكواي .. ما قصِّرت ويّاي

المرسل: الأربعاء, 17 نيسان/أبريل 2019