قصيدة : علي علي لا
️للشاعر : سيد آدم الحسني
المناسبة : استشهاد علي الأكبر (ع)
الزمن : ليلة 9 محرم 1440 هـ
هيئة شباب علي الأكبر - لندن
علي علي لا تخــــليـنـي
علي علي يانظــــرعيني
علي علي الفركه تاذيني
*****
يمه يادمعه برحيلك عينــي تجـريها
ليلى ما تحمـــل يالاكبـر من تخليها
قصة فراكك يغالي دموعـي ترويها
روحي يالاكبر رحيلك ولله يا ذيـها
علي علي كثرن جــروحي
علي علي هاك اخذ روحي
علي علي زهـــرة سنـيـني
*****
بوجهك رسوم النبي يايمه مرســــــومـه
جن رسول الله الذي متعــني للحــــــومه
اي وحك روحك يالاكبر روحي مالومـه
رايح المــــــوتك احــــس تهنالك النومه
علي علي رباي اريدنه
علي علي ثكــلت الونه
علي علي يمه حاجيني
*****
يبني يالاكــــبر فراغــــك بيش اسـدنه
كلبي بدموع النواظـر صرت اصبرنه
رايـــــد الموتك يالاكـــــبر هسه تتعنه
عمري كله وياك رايح يبني اشـــوفنه
علي علي صبري ماينفع
علي علي بالله مــــــودع
علي علي تسمع ونيـــني
*****
انت يا أول فتــــى من هاشـــم اتقدم
بكل فخر يا يمه ازتك والكلـب مهتم
يبني وبيا حال اشوفك دامي ومخذم
كبلك تمنيت امــوت ولا أعيش بهم
علي علي بيا كلـب أنظر
علي علي جسمك واصبر
علي علي دمعـي يعميني
*****
رايح الحتفـــك يالاكبــر ضــــــني خيبته
شوفي كل لحضه اعله شوفك يمه عودته
اني اول هاشمــــيه وليـــــــــــدي جدمته
انت عطشان وتحـارب .. كلـــبي عـذبته
علي علي يا أعــــز ناسي
علي علي تجرح احساسي
علي علي لا تبجــــينـــــي
*****
يمه جن هاي الظهــيره تاخذك مني
والمصايب يمه جنهــن هسه رادني
منين اجتني الغاضريه خيبت ضني
بعدك شجم غالـــي يبني يبتعد عني
علي علي فركتك حيره
علي علي شمعة الديره
علي علي الفركه تاذيني
play_arrow
play_arrow
play_arrow
play_arrow
play_arrow
play_arrow
تعليقات