إنشودة الزفه

قصیده : انشوده الزفه

للشاعر : الحاج السيد عبدالخالق المحنة

الرادود : الحاج ملا باسم الکربلایی

انشوده الزفه ** مثل الولد ترفه
حِسن شايل حِسن ** مثل وردة ابغصن
حته الهوه اتغازل ** من يمشي يتمايل
بده ابعينه الزعل ** غدت نار وغزل
******
يايوم المبارك ** بالفرحه نتشارك
طش ابتسامه وباسته رمله ابوريده
لاتحسب اسنينه ** بس انظر لعينه
مثل الاسد من ينظر الصيده البعيده
بـجبينه مكتوبه ** ماينسه محبوبه
شبل الهواشم والحرب عيده ونشيده
شـمر عـلى ازنوده ** يتبختر ابزوده
سيف المنايه لو ورد لو شمعه بيده

سبعين الف صارم ** حاضر عرس جاسم
خلص وگـت الشمع ** اجه وگت الفزع
لاتنظر اهلاله ** انظر على افعاله
اجه لعمه ابخجل ** غدت نار وغزل
 ******
ياعمي خليني ** هالفرصه تنطيني
والله اگـر عينك إذا أشهر حسامي
جربني وعيونك ** هم اني مجنونك
صدگ ولا بيهم رجل يثبت امامي
شبل الحسن اني ** بالصعبه تلگاني
اسمحلي ابدي بصولتي واثبت كلامي
من هلهلت رمله ** صار العرس احله
گلهه ييمه رگبتي فدوة لـعمامي

يايمه شجعيني ** للحومه زفيني
الف مره انقتل ** ولا لحظة أذل
يايمه شمتناني ** محبوبي ناداني
شبه كوكب نزل ** غدت نار وغزل
 ******
لاح ابظهر غوجه ** طار الشعر موجه
ثاري اذا مسه الزعل يظهر جماله
مثل السهم رايح ** مثل الضوه واضح
من تنظر ثياب العرس تعرف دلاله
من يحچي وي روحه ** يتناثر املوحه
مايحله للناس الزعل لكن حلاله
دزلهم انذاره ** وي نسمه اعصاره
وتخلخل الجيش اوصفه إيمينه ابشماله

يضحك يزعلهم ** يستهزئ ابكلهم
نمر من يصطنت ** صگر من يلتفت
صفنهم ابشكله ** واربكهم ابفعله
جدح غيض وحمل ** غدت نار وزعل
 ******
جن عاصفه ابصحره ** وزدادت الغبره
هذا الولد ذوفه حلو حته ابقتاله
رمله ويه عماته ** شافن مهاراته
هاي الرشاقة من علي وهاي البساله
ماينلزم طبعه ** يتحرك ابسرعه
جم آية من عين الحسد عمه قراله
والطاغي وأزلامه ** مهزومه گدامه
كلما بده بيه التعب يسبك خياله

طير العطش شافه ** يوكر على شفافه
صفه وبيده خشب ** واهو نار ولهب
جاسم ولا غيره ** حيهم يبو الغيره
خزرهم وأرتجل ** غدت نار وغزل
 ******
من دقته وحرصه ** ماحصلو فرصه
صاحو شنو حلكم إذا عدكم درايه
هذا الولد عنده ** خبرة علي جده
شتت جحافلنه تره ماكو نهايه
مابي ولا لوله ** ماطخ مشه ابطوله
جاسم تره ابفن الحرب عنده هوايه
متنومس ابزفته ** ويأشر لعمته
ياعمه وعيونج ابد ماخلي رايه

صار الهوه ابكيفه ** ويهوس ابسيفه
يمر بيهم خطف ** جبل مابي ضعف
يارمله شـتزفي ** هذا العرس يكفي
اذا عوده ذبل ** غدت نار وغزل
 ******
شسع النعل وگته ** من انگطع حته
ينزل يشده ونزلة الفارس كلافه
فعلا نزل شده ** معناهه يتحده
جاسم مهمه بالحرب عنده القيافه
واليطعن ابغفله ** عند العرب فشله
وبغفله ضربوا هامته والله وسافه
والدم صبغ خده ** واحمرت الورده
ياوسفه سجين الغدر يذبح ترافه

ظل يرفس ابرجله ** رفسة كلب رمله
واجا عمه ركض ** طوه ابجدمه الارض
صاح وگعد يمه ** وابمنحره إيشمه
بدر هسه اكتمل ** غدت نار وغزل
 ******
رد بي للمخيم ** طير وسبح بالدم
وتلگته زينب مثل رمله الغريبه
صاحت دگعدنه ** وبدمه يتحنه
گومن نزفة ابطبرته زفة رهيبه
ياسكنه ياليله ** يارمله هوسيله
هيه مصيبة ومرحبا ابـهاي المصيبه
وشموعه وجـنها ** والحنه دوفنها
والنيه سكنه بلكت الرايح نجيبه

يارمله مو بيدي ** جاسم تره وليدي
الچ ونه معي ** وانه اعله النعي
بالوسطه خلنه ** ونن فرد ونه
وحگ عين الكفل ** غدت نار وغزل