قصيدة : إلي متى

للشاعر : السيد عبد الخالق المحنه

المناسبة : اسشتهاد ابا الفضل العباس (ع)

الزمن : ليلة 7 محرم 1440 هـ

المكان : هيئة شباب علي الأكبر - لندن

 

الى متى اظل انادي عباس

حلم علم شمر يجيني يا ناس

*****

لحظة عيني غمضتها و فتشتها على النار

لني وحدي بلا خيامي و الشمر يحكم صار

جيبوا زينب ردوا زينب يالله شتموا الكرار

و اني اسمع بس شسوي حرمه و جفوفي  قصار

صحت يخي يخي خدرنه حساس

*****

خويه مدري شصار بيه من دخان الخيام

من خيمنه للشريعة اكبرت مية عام

هذا شيبي كله منك انت مرتاح تنام

بالله قلي يا سبيه عدها عسكر ايتام

متت قهر لأن خيمنه تنداس

*****

خل اذكرك بالطفولة لو شفتني شتقول

انتي امي انتي اختي و اني اقلك مسؤول

هسه جنك ما اعرفتني يالوفي ما معقوزل

احجي خويه قلي اي شي قلي امشي مقبول

صحت ردت و لو تقلي لا باس

*****

ما تجيني اني اجيتك يالقلتلي بحماي

خلي عذرك و الفواطم ما يريدن الماي

هذا جفي هذا عيني خويه بس رد وياي

اني ابجي و انته نايم من يصدقني بهاي

بلا خيم تره و علينه حراس

*****

خويه والله الماي كله ما يسوي جفين

و ابن جوشن عينه صلفه و انته ما عندك عين

قلي زينب شوفي شوفي من قطع راس حسين

ثم ناده ها يزينب هاذي جانت لج وين

صفه الخدر تحت سياط الأرجاس

*****

احترامي السهم عينك انه غمضت عيون

انته قلي وين جودك و انا اراويك متون

خويه كلها الناس تهمس بس عرفت شيحجون

والله حقهم انا زينب وحدي ما يصدقون

بمن بعد انا مصابي ينقاس

*****

مرة قتلك مد لي ايدك من سمعت التهديد

و استحست و قلت عذرا انته ما عندك ايد

و السلبني ما تركلي يسحن بقلبي يريد

ظل يكرر وين اخوتج و الكفاله ما تفيد

لون عدل فلا رقية تنجاس

*****

من سكينه هالوصية و استماعك مريود

اخذي دمعي و صيحي يمه عمي وين الوعود

من نخيته ما فزع لي حته لو ماكو زنود

لو يحبني خل يجيني اني ما اريد الجود

صحت يعم لمن قطعت الأنفاس

*****

قمر زينب ليش مطفي ضوي دربي الملهوف

جيت اشبقك و انته صعبه تشبق بلايه جفوف

راح اعوفك بس اخبرك هالأمر و انته تشوف

شيعي باجر تعتنيلك ممشه و تجيك زحوف

نعم وفي العهد ترابه ينباس

*****

يالله خويه وداعت الله و الفجر بان و لاح

اني امشي لليتامه و انته اغفه و ارتاح

هذا وعدي لا بواجي و لا يسمعون صياح

لا يهمك كل سبية تمشي وي الذّباح

غدا سبي و يسر و اشاهد الراس

تعليقات

لإرسال تعليق یجب أن تسجل في الموقع

ملفات فيديو

more_horiz

مقالات المرتبطة

آخر الصوتيات المضافة

آخر المرئيات المضافة

  • 2.00x
  • 1.50x
  • 1.00x
  • 0.75x