Wed20210922


ليلة 3 محرم

باسم الكربلائي

ليلة 3 محرم باسم الكربلائي
باسم الكربلائي
لطميات
إجعل هذا الفيدیو في موقعك
128 × 72
240 × 135
480 × 270
640 × 360
عرف
:طول
px
:عرض
px
ليلة 3 محرم - باسم الكربلائي
تاريخ الاضافة
2018-09-13
المشاهدة
1446
المدة
00:46:41
عدد التحميلات
374

نص هذا المقطع

قصيدة : موتي و انت وياي

للشاعر : الادیب ناظم الحاشي

الرادود : الحاج ملا باسم الکربلایی

 

موتي و انت وياي...يسوه عندي دنياي
إذا طال الغياب...جفن صار الحجاب
موتي و انت وياي
******
أمنية كل بت يبوها هذا مشهود...موتها وزفة عرسها ايكون موجود
وانت عفت ادموعي تجري فوق الخدود...قمت أرش بيها اعله دربك بلكت اتعود
شجره وغصني مهجور...قلبي عفته مكسور
و العيون عله الباب...جفن صار الحجاب
موتي وانت وياي
******
أزحف وأنظر لأثركم من وره الباب...أرجع أشتم ابعطركم بين الثياب
والعليلة اتريد يمها جمعت أحباب...أمها لو طاح الحجاب اتعدل الحجاب
شمعه ماكو بالبيت...ظلمه وانت ما جيت
ولا صوت للأحباب...جفن صار الحجاب
موتي و انت وياي
******
أفرش افراشك وأحضنه وكت الغروب...وانت نايم عالتراب ابجسم مسلوب
مو قلب عندي يبويه مثل القلوب...طفل يبجي الليل كله بصدري مرعوب
قلبي يشكي الوداع...وانت باقي عالقاع
جسد طاح بالتراب...جفن صار الحجاب
موتي و انت وياي
******
خيط شمعه ونزل دمعي بكل الأكتار...وأنطفي وريح انتظارك تشعل النار
قلبي جن يعلم يبويه عن حدث صار...قمت أشم ريحة خيمكم عندي بالدار
وانت وعمتي تبجون...عمي حادي الضعون
وأحس نار بالثياب...جفن صار الحجاب
موتي و انت وياي
******
وين أبوج ويمته يرجع تسأل الناس...مادروا بين الحوافر صدرك انداس
أنطفي وتشعلني بعدك نار الأنفاس...لا إجيت ولارجع لي عمي عباس
وآني قلبي بثنين...عمي وانت يحسين
عشق هاج بالإصلاب...جفن صار الحجاب
موتي و انت وياي
******
اشما يحط طير اعله شجره أسأله امنين...جيتك وعندك خبر عالصار لحسين
قلي شفت بكربلاء اتغيب شمسين...والقمر فوق الشريعة ايغيب مرتين
قلت له هاي الأخبار...بيتي اتحرقه بالنار
سبي ايقول للأجناب...جفن صار الحجاب
موتي و انت وياي
******
منعت أحزاني عليَّ أفراح دنياي...مثلما عنك يبويه منعوا الماي
آني أدري ابغير جيه روحتك هاي...و الله طف ثاني بغيابك صار وياي
انت يمي و اشتاق...شوفه اشسوه الفراق
ولا جان بالحساب...جفن صار الحجاب
موتي و انت وياي
******
ردت أعيش اوياك بالطف آخر أيام...حته أجّوي اجفوف ايديه ابنار الخيام
وأنضرب بالسوط حالي حال الأيتام...وأمشي حافي وي خواتي وعمتي للشام
أمشي وآني بحماك...أبجي وأحجي وياك
يمذبوح بلا أسباب...جفن صار الحجاب
موتي و انت وياي

المرسل: الثلاثاء, 22 حزيران/يونيو 2021