قصيدة : يالماتجيني آني اجيتك

للشاعر : السيد عبد الخالق المحنه

 المناسبة : استشهاد الامام الجواد

 الزمن : ليلة 28 ذو القعدة 1439 هـ

 المكان : العتبة الكاظمية المقدسة

يالماتجيني اني اجيتك

يا حيرتي لو ما لكيتك

حبيت اگلك ما نسيتك

*****

ليلة وفاة ابن الرضا خذني الهوه

للكاظمية و خدي بالدمعه انجوه

اباب المراد لكل جرح كالوا دوه

ادري الدوه يالمنتظر نكعد سوه

ويانه يا راعي الزياره

و نحجم الثار اعله ثاره

راح انفض هموهي بثنيتك

*****

حامل جراحاتي و همومي و شكوتي

ليلة مصيبة و الله يقبل دعوتي

يا سيدي قبالك ادنق هامتي

و انته غيور و تنجرح من دمعتي

و محلف بحامي الضعينه

ها يالجواد المهدي وينه

لازم يزور الليلة بيتك

*****

من اعتنيتك جني ماشي المذبحي

كلي اساءة و ما سمعت الناصحي

اتمنى اشوفك اي نعم بس استحي

ادري بذنوبي مسجله و ما تنمحي

بس حبك اكبر من ذنوبي

سامحيني لا تحسب عيوبي

يا اغلى دمعة و ما بجيتك

*****

سامح متيم بأنتظارك مبتلي

و ابصحن ابو الهادي صراخه يعتلي

كل خطوة كل جرة نفس يندب علي

يدري بحظورك هالمصايب تنجلي

ايدي اعله خدي و بأنتظارك

ردتك و لا اريد اعتذارك

اني بحلق حوت و نخيتك

*****

اني الموالي الما يفارق مدمعه

امشي وره الزهره انه بكل فاجعه

ما شفت ابو صالح لجن متوقعه

بين المناير واقف و يقره الدعه

يبن الرضا الليلة مصابك

نقسم على المهدي بشبابك

مهضومه ردت تقبل حميتك

*****

عندك علم يالمنتظر باللي جره

تدري امتلت من الشباب المقبره

بس انته عدنه و السفينة مكسره

كل ما ندق بابك تقول المعذرة

احذر يسفان انولينه

بلكي تلحق عالسفينه

هاج البحر و اني ارتجيتك

*****

لو ما تجي ما يرجع الحق الهله

لو ما تسل سيفك تظل المشكلة

ارجع يغايب خل نقلك يا هلا

نمشي مشي من الجواد الكربلا

و اعله الشريعه عدنه راية

خل نطلب بثار السبايه

و تنادي يالضامي رويتك

تعليقات

لإرسال تعليق یجب أن تسجل في الموقع

ملفات فيديو

more_horiz

مقالات المرتبطة

آخر الصوتيات المضافة

آخر المرئيات المضافة

  • 2.00x
  • 1.50x
  • 1.00x
  • 0.75x