Wed20181219


ودعتك وطال السفر

باسم الكربلائي

ودعتك وطال السفر باسم الكربلائي
باسم الكربلائي
لطميات
إجعل هذا الفيدیو في موقعك
128 × 72
240 × 135
480 × 270
640 × 360
عرف
:طول
px
:عرض
px
ودعتك وطال السفر - باسم الكربلائي
تاريخ الاضافة
2018-09-01
المشاهدة
308
المدة
00:07:32
عدد التحميلات
24

نص هذا المقطع

قصيدة : ودعتك و طال السفر

للشاعر : ناظم الحاشي

 المناسبة : استشهاد الامام الجواد (ع)

 الزمن : ليلة 29 ذو القعدة 1439 هـ

 المكان : العتبة الكاظمية المقدسة

 طور : ماتت _ دللول _ الولد , يافاقد _ أمك

ودعتك و طال السفر

و الليل عشته بلا قمر

شمعة شبابك ما ترد

الا بظهور المنتظر

*****

ودعتك و نور الوجه

مثل البدر توه اكتمل

و بغيبتك حتى القمر

عاف السمه و بعدك نزل

كلما اشوفن قبتك

من عدها يكتلني الخجل

لو عمري يتبدل الك

بدلته لو يرهم بدل

بعده الربيه بأوله

و الورد مات بأكمله

بجفاك ما يرجع ورد

الا بظهور المنتظر

*****

هواي تنشدني بعجب

شنهي السبب لزيارتك

باب المراد و ما دروا

كل طاعة الله بطاعتك

و يطوف حج و يعتمر

كلمن يطوف بكبتك

انته القميص بيوسفي

ترد النظر يا شوفتك

عطر النبوة الـ بهالهوه

منزلتك و يوسف سوه

و الفوز لله الحمد

الا بظهور المنتظر

*****

بالكاظمية الما يمر

خسران دنيه و اخره

كاضيها يكنس بالفحم

و يعوف هاي الجوهره

يالردت سلسة الذهب

و الدين توصل مصدره

غصن الجواد يوصل

يم جذر شجرة حيدره

شجرة و جذرها بالسمه

نص من علي و نص فاطمة

هاي النجاة الكل العبد

الا بظهور المنتظر

*****

يبن الرضا و كلما شفت

شاب و شهيد اتذكرك

قدوتهم انته بكل زمن

بعويني هيج اتصورك

و الراد يسأل عالسبب

نلتهي و ما نتعذرك

كل دمنه يصرخ كربله

هذا الولا ء المشترك

كل شيعي لأسمك ينتمي

عقد الولاء الفاطمي

محد عرف سر العقد

الا بظهور المنتظر

*****

يمحير اعقول البشر

بالمعرفه و بعدك صبي

بسنينك السبعة جنت

عمرك مثل عمر النبي

ناديتهم من منبرك

عن جدي علمي و عن ابي

حق الامامه من العرش

و الينكر الحق ناصبي

و انطيتهم يحيى المثل

و الخالفوك اهل الجهل

و النكر حقك يرتشد

الا بظهور المنتظر

*****

تشهد رسايل والدك

و انته بصابك و راسلك

لو ما شهد بيك الرضا

ما جان وداهن الك

لو ما عرف بيك الولي

جا قتل غيرك قاتلك

خانك و سمك بالغدر

ما لزم سيف و نازلك

ابسط صفات المعتصم

ما واجهك مثل الزلم

و الثار يرجع و المجد

الا بظهور المنتظر

*****

يا سر محمد بالسمه

يا سر علي فوق الارض

فرض الصلاة واجب و اشد

مثل الصلاة حبك فرض

عن حق وجوب محبتك

ندري اليبغضك يعترض

لازم يجي و يوم الزمن

بيك المخالف يتعض

كلمن نكر حق الولي

يعترف تاليها بعلي

نؤمن بهاي و نعتقد

الا بظهور المنتظر

المرسل: الأحد, 02 كانون1/ديسمبر 2018
 
باسم الكربلائي : ودعتك وطال السفر