قصيدة : أم الصبر فاطمة

للشاعر : علي الخفاجي

 ليلة ٦ جمادى الثاني ١٤٣٩هـ | بغداد

ام الصبر فاطمة ... مو انت يا أيوب

⁦♦️⁩⁦♦️⁩⁦♦️⁩⁦♦️⁩⁦♦️⁩

فاطمة الفوق الحجر كتبت فكرها

صيح يا ايوب من تسمع خبرها

ماكو بالدنيا صبر يوصل صبرها

والله صبر ما يوصل العشرها

من كتبت الغانمه

وي حيدر اليعسوب

⁦♦️⁩⁦♦️⁩⁦♦️⁩⁦♦️⁩⁦♦️⁩

للزجيه ارواح جبناها و اجينه

ما عتبنه اعله الزمان الخان بينه

فاطمة الزهره تظل خيمة علينه

ما نعوف الثار لو قطعوا ادينه

كل موقف العالمه

فوق العرش مكتوب

⁦♦️⁩⁦♦️⁩⁦♦️⁩⁦♦️⁩⁦♦️⁩

خل صوتك للمجد يعزف نشيده

صيح يا ايوب وي اهل العقيده

صيح للزهراء من نقره القصيدة

عيده يا رادود هالبيت عيده

بالشدة و الموزمة

ما عافت المحبوب

⁦♦️⁩⁦♦️⁩⁦♦️⁩⁦♦️⁩⁦♦️⁩

لهفة عيون السمه بلهفة قلبها

بيها جنه تصيح يا قاع التطبها

كلمة و التاريخ للزهره كتبها

ما تموت اليغضب الباري الغضبها

و الفاجعه المؤلمة

متحيره بيها قلوب

⁦♦️⁩⁦♦️⁩⁦♦️⁩⁦♦️⁩⁦♦️⁩

عمرك اوْيَه الصبر خلص بانتظارك

و انتصار حسين بالطف انتصارك

صيح وي اهل الوفه و ردد شعارك

ما تحجبك شمس يالتضوي بنهارك

احجيها بالخاتمة

يالتعرف المطلوب

⁦♦️⁩⁦♦️⁩⁦♦️⁩⁦♦️⁩⁦♦️⁩

عالي مجد الانبياء و يبقى عالي

عدنه فاطمة فلسفة سوح المعالي

عدها نحر حسين محراب الغوالي

و العقيلة بنورها تضوي الليالي

الما يفهم نفهمه

و بحبها نبقى نذوب

تعليقات

لإرسال تعليق یجب أن تسجل في الموقع

ملفات فيديو

more_horiz

مقالات المرتبطة

آخر الصوتيات المضافة

آخر المرئيات المضافة

  • 2.00x
  • 1.50x
  • 1.00x
  • 0.75x