Fri20190215


محتاج أشوفك

باسم الكربلائي

محتاج أشوفك باسم الكربلائي
باسم الكربلائي
لطميات
إجعل هذا الفيدیو في موقعك
128 × 72
240 × 135
480 × 270
640 × 360
عرف
:طول
px
:عرض
px
محتاج اشوفك - باسم الكربلائي
تاريخ الاضافة
2018-06-24
المشاهدة
212
المدة
00:07:45
عدد التحميلات
38

نص هذا المقطع

قصيدة : محتاج أشوفك | ندبة مهدوية

للشاعر : حاتم صبري الكاظمي

 ليلة ٦ جمادى الثاني ١٤٣٩ه | بغداد

محتاج أشوفك مُر عليّه .. يوسف الزهره

أهاتي نُدبه مٙهدويّٙه .. يوسف الزهره

?????

يِمُوت الصبر لمن أقره موضوعك

عٙسه أيامي طويله وأدرك ارجوعك

شكو مٙجلس أدخله أشٙتم دموعك

من كل باب الله يسٙلّٙم اضلوعك

بالروح ناصبلك عٙزيّٙه .. عالضلع أقره

آهاتي نُدبه مهدويّٙه .. يوسف الزهره

?????

أدورك وين أشوفك يا نبض بيّه

عله المنبر عٙساك اتباوع أعليّٙه

تبچي امن أقره عالزهراء لطميّه

أعرفك گاعد اباب الحسينيّه

واحساسي يهديلك تٙحيّه .. بنٙغمٙة الحسره

أهاتي نُدبه مهدويّه .. يوسف الزهره

?????

المجالس هالوكت تحتاجك تريدك

دمعتك يابو صالح گد مواليدك

(دِعْبِل) عالضلع من يكتب بأيدك

(أصِف) سيدي و(عابس) رواديدك

تقيم الليالي الفاطميه..وانه عالفطره

أهاتي نُدبه مهدويّه..يوسف الزهره

?????

بسِجِل الخدمه بيدٙك صار توثيقي

بس يحتاج ويه الزهره تنسيقي

أندبك دوم مو بس بوقت ضيقي

يبو صالح ومنك أدري توفيقي

من أبچي وألطم عالزچيّه .. تنحسب نٙظره

أهاتي نُدبه مٙهدويّه .. يوسف الزهره

?????

عله أمك بالونين امٙييِّز أونينك

تحضر بالمآتم وي مُحبينك

يمن تتمنّه روحي تبوس چٙفينك

لعٙين الزهره هم تلطم على عينك

دٙمعٙت حٙسرتٙك حٙيدريّٙه .. لحادث العصره

أهاتي نُدبه مٙهدويّه .. يوسف الزهره

?????

يمهدي عله الزهره من تنوح الناس

تگعد بينهم و تسيل دمع أحساس

گلي حسين إذا يحضر يجي بلا راس

أكيد بلا چفوفه يحضر العباس

چٙفينه بأرض الغاضريّه .. هناكه عالغبره

أهاتي نُدبه مهدويه .. يوسف الزهره

?????

بالمجلس لزينب دمعه من اتسيل

بجناحه يشيل الدمعه جبرائيل

عله غيابك و حزنك ونتي ترتيل

أقرالك النُدبه شما يجيني الليل

دمعاتي تٙلّٙه زينبيّٙه .. والخِيّٙم جمره

أهاتي نُدبه مهدويه .. يوسف الزهره

المرسل: الإثنين, 29 تشرين1/أكتوير 2018
 
باسم الكربلائي : محتاج أشوفك