Wed20180815


ها يشيعه

باسم الكربلائي

ها يشيعه باسم الكربلائي
باسم الكربلائي
لطميات
إجعل هذا الفيدیو في موقعك
128 × 72
240 × 135
480 × 270
640 × 360
عرف
:طول
px
:عرض
px
ها يشيعه - باسم الكربلائي
تاريخ الاضافة
2018-06-07
المشاهدة
118
المدة
00:00:00
عدد التحميلات
18

نص هذا المقطع

القصيدة : ها يشيعه

الشاعر : السيد عبد الخالق المحنه

المناسبة : استشهاد الإمام علي عليه السلام

 ليلة ١٩ رمضان ١٤٣٩ هــ

 حسينية المرحوم داوود العاشور _ البصرة

ها يشيعه هالله هالله بالوصيه

واليخالف هذا شيعي بالهويه

كلمن يخالف امامه .. ما يحبني

⁦◾️◾️◾️◾️◾️

انا حيدر و اليحبني

واجبه يعرف خصالي .. خله يقره

و اليحب يصير اول

لا يحسب ماكو تالي .. انه احذره

و اللي رايد ارضه عنه

خل يجيني و راسه عالي .. بيها عبره

كون يملي جفوف غيره

و يرد لهله و جفه خالي .. عنده فقره

الما يوقر شيبة امه امه حره

كل مسيه هذا يطبر راسي طبره

و اللي ما يبدي احترامه .. ما يحبني

⁦◾️◾️◾️◾️◾️

مذهبي هذا البنيته

بدمي و بضلع الزجيه .. كلشي عندي

تالي جم واحد يشوهه

ينحسب شيعي عليّه .. هوّه ضدي

آني ابرأ من فعاله

و ما احضره بالمنيه .. هذا وعدي

و ما اريده يقول شيعي

و ينحسب عالرافضيه .. بالتعدي

المنافق و المجامل ما اريده

و القضاها بالمعاصي من يفيده

و الاكل حق اليتامه .. ما يحبني

⁦◾️◾️◾️◾️◾️

مذهبي انطيته الغوالي

حته تتثبت قيمكم .. في مماتي

لجله ضحيت بخيمنه

حته ما توقع خيمكم .. امنياتي

و انسبت بنتي العقيله

و غايتي استر حرمكم .. تضحياتي

و برمح راس ابني عفته

حته ما تنزل هممكم .. يا جزاتي

وين حقي يا غيارة بهذا فعلي

و المصيبه اسمه شيعي و ما يصلي

و ادري باليكره صيامه .. ما يحبني

⁦◾️◾️◾️◾️◾️

اني حامي الجار اسمي

ما احب الخان جاره .. ما احبه

و الغني و جيرانه جايع

لا يجيني بالزيارة .. هذا ذنبه

البلاد البيه مظالم

يعني بيه أزمة غياره .. أدري صعبه

و اليعيش ابلا قضيه

هذا عالأمة خساره .. وينه دربه

و اليخلصها اشعلينه و اشبدينه

لا ينادي بالشدائد يا علينه

و الذي باع الكرامة .. ما يحبني

⁦◾️◾️◾️◾️◾️

الشرف ابيض يلالي

لا تهينه بنقطة سوده .. لا تفضحه

و البشر مهما يبالغ

حتماً تكشفه وعوده .. اي توضحه

شوف ابو فاضل شسوه

بكربله و ثبّت وجوده .. آه يَ جرحه

دينه من احتاج دمه

اتقدم بنحره و زنوده .. بيها ملحه

هو ضامي بيده جوده و ما تروّه

هذا درسك بالمواقف و الأخوه

الما يسل للحق حسامه .. ما يحبني

⁦◾️◾️◾️◾️◾️

كربله خليها عبره

و النصر مو بالسهولة .. اله بالدم

كلمة الكلا ثكيله

تصير بحلوك الخجوله .. ترضخ بالهم

لا تكول الطاغي طاغي

انته وقعت بقبوله ... يعني تأثم

غلطة الحاكم جبيره

هذا ذنب الصفقوله .. تالي تندم

و انه كلمن ينتميلي ادري طبعه

ما يصافح ايد ظالم لو تقطعه

و السكت عن الظلامة .. ما يحبني

⁦◾️◾️◾️◾️◾️

شما تصير الدنيه ظلمه

لازم يبين قمرها .. من مغيبه

لا تقول بوحدي اني

هواي غيرك تنتظرها .. هذا خيبه

بنتي زينب اسروها

هدمت دولة شكبرها .. يا عجيبه

رادوا تذل بسبيها

ذلت ايزيد ابأسرها .. هالحبيبه

هي حرمه و هم غريبه و هم سبيه

كالتلهم الف كلا آل اميه

الما وفه وياي بكلامه .. ما يحبني

⁦◾️◾️◾️◾️◾️

المرسل: الثلاثاء, 19 حزيران/يونيو 2018
 
باسم الكربلائي : ها يشيعه