Thu20190425


أم فاطمة

باسم الكربلائي

أم فاطمة باسم الكربلائي
باسم الكربلائي
لطميات
إجعل هذا الفيدیو في موقعك
128 × 72
240 × 135
480 × 270
640 × 360
عرف
:طول
px
:عرض
px
ام فاطمة - باسم الكربلائي
تاريخ الاضافة
2018-06-05
المشاهدة
242
المدة
00:00:00
عدد التحميلات
52

نص هذا المقطع

قصيدة: ام فاطمة وضعت

الشاعر : السيد عبد الخالق المحنه

المناسبة : وفاة السيدة خديجة (ع)

ليلة ١١ رمضان ١٤٣٩ هـ حسنية المرحوم الحاج داود العاشور

ام فاطمة وضعت حجر بداية

من فاطمة ولزينب النهاية

ارادة.. قيادة

******

وضعت اسس هالامرأة الحكيمة

خلف العظيم إمرأة عظيمة

ضحت بما تملك وهي عليمة

دين الكرامة يبتغي الكريمة

إتقاسموها حيدر وخديجة

افضل قيادة وافضل النتيجة

سيادة ..قيادة

******

صاحت خديجة بموطن الجهالة

خذ يا محمد وانشر العدالة

يا بو الاصالة خلفك الاصالة

افدي العمر واموالي للرسالة

والامة جازوها بقدر عطاها

كسروا ضلع بتها جزا لوفاها

ابادة ..قيادة

******

ماتت حنينة وخلفت حنينه

نعمة الزچية فاطمة الحزينه

چانت لحيدر يسرته ويمينه

حيدر اسد ضاري وهي عرينه

اكراما لحيدر تضم دمعها

وتبسمت لمن انكسر ضلعها

سعادة ..ارادة

******

للحق نطت اموالها السخيه

بس مو مثل ما ضحت الزچيه

صاحت علي ما عوفه للمنيه

فدوة اله كل الجرى علييّه

ما همها محسن والجرى عليها

عدها الاهم سالم يظل واليها

اشادة ..قيادة

******

هذه خديجة نفتهم وضعها

ماتت ولكن عاشت بدمعها

هي قبل بتها انكسر ضلعها

چف النذالة عله الوجه صفعها

ويَ الزچية شافت الخيانة

صاحت يا طه خانوا الامانة

ولادة ..قيادة

******

والخاتمة بالطف يا ام الزهره

زينب واخوها بلا معين تنظره

لزمت قلبها وقدمتله المهره

هاي الامانة وباسته على صدره

نحرك قبل لا ينگطع يا والي

لو ما ابوسه ما ارد يا غالي

شهادة ..قيادة

******

قالت له  يا بن امي اتّكل وتحزم

لا تنشغل بيه وابد لا تهتم

خلي الشمر فوق الصدر يترنم

عندي المهم راسك يضل يتكلم

انظر لجسمك خيل امية ترُضه

خُذ يا الهي مني  حتى تِرضه

عبادة ..ارادة

المرسل: الأحد, 28 تشرين1/أكتوير 2018
 
باسم الكربلائي : أم فاطمة