قصيدة : زينب اتناديك

الشاعر : علي الخفاجي

الرادود : الحاج ملا باسم الکربلائی

شهادة السيدة زينب ١٨ رجب ١٤٣٩هـ

جامع وحسينية الرسول الاعظم _ بغداد

زينب تناديك يا بدر العشيرة

******

فوق هامات الثريه رايتك عَلِّيها

حسين أخوك امن المدينه بإيدك مخليها

انته حر و هاي كلمة للزمن نحجيها

لازم اهل الكوفه تعرف زودها و ماضيها

وياك امشي وياك للخطوة الاخيره

******

خل ميدانك الدنيه تشهد المعروفه

راية الكرار تبقه بالنصر محفوفه

اطبع اجفوفك عليها من تلاقي الكوفه

خلهم يقولون عزمك علي ثاني نشوفه

و انته روح حسين و عيونه و ضميره

******

يا بو فاضل ادري عدك للعهود حجايه

بايدك اليوم القيامه ما تطيع الرايه

ما تموت و يبقه دمك منهج الوفايه

و الشهاده النصر تعني و الهدف و الغايه

يبن ابوي و شفتك بعين البصيرة

******

ظلت اليوم القيامه رايتك مرفوعه

يوم طاحت آل اميه ثورتك ممنوعه

صرخة الثوار جانت عالية و مسموعه

خبر مسلم من سمعته و خبر هاني و طوعه

صحت ابو الأحرار عنوان المسيرة

******

للملاحم يا بو فاضل صوت نحرك خالد

وانته يم شاطي المصيبة عفت جفك شاهد

انته حر و غير امامك ما رضيت تعاهد

رايتك كاتب عليها حسين هوّه القائد

جفك المقطوع ما نلقه نظيره

******

انه يا عباس اجيتك ساجد اعله اعتابك

شايل جروحي بإديه و جيت أدگَّن بابك

ادري عنوانك الغيرة و الشرف محرابك

ما اعوفك للمنيه و ابقه من احبابك

تعليقات

لإرسال تعليق یجب أن تسجل في الموقع

ملفات فيديو

more_horiz

مقالات المرتبطة

آخر الصوتيات المضافة

آخر المرئيات المضافة

  • 2.00x
  • 1.50x
  • 1.00x
  • 0.75x