Sun20181118


ابعين الله

باسم الكربلائي

ابعين الله باسم الكربلائي
باسم الكربلائي
لطميات
إجعل هذا الفيدیو في موقعك
128 × 72
240 × 135
480 × 270
640 × 360
عرف
:طول
px
:عرض
px
ابعين الله - باسم الكربلائي
تاريخ الاضافة
2018-06-02
المشاهدة
111
المدة
00:00:00
عدد التحميلات
20

نص هذا المقطع

القصیدة : بعین اللّٰه حزنك

الشاعر : علي السقاي

استشهاد ابا طالب - ليلة ١٠ رمضان ١٤٣٩ هــ

حسينية المرحوم داوود العاشور - البصرة

ابعين اللّٰه حزنك يلنبی او ربک يعينك

ودع ابوطالب بعد مَتشوفه عينک

والد علی مات يا اوحّد الذّات

ربك يعينك   ربك یعینك

▪️▪️▪️▪️▪️

ابسمه اللآهوت و القُدره عواصف بلونین اتحوم

علة صرخة حزن و اتصیح غیر الباری منهو ایدوم

یمن صلّه الله اعلیک ودع عمک ابهلیوم

رحل عنک ابوطالب رحل و ابذمة القیوم

الیتم بین عله ارسومک صبغ عینک حمار ادموم

غدیت ابعامک الخمسین یتیم امشیب او مهموم

صوت الملایک بلسمه صاح او تردد

یادمعه نحسبهه او جرت دمعة محمد

تتعاله صرخات يا اوحّد الذّات

ربک يعـينک   ربک یعینک

▪️▪️▪️▪️▪️

نشئت ابحجر ابوطالب منشاء خالقک راده

مثابت والدک و انته چنت اقرب من اولاده

ابزغر سنک گبل چانت یمینه الراسک اوساده

کبرت او صارت ایمینه تلاوی الچفه تتماده

احزنت لجله او فرح ابلیس ابعید امن اعظم اعیاده

اجة فرصة ابوسفیان بیک ایرضی احقاده

راح السند یلمصطفیٰ او بیدک تدفنه

و الساهرت عینه الک تغمضله جفنه

اتعیش انته مئسات يا اوحّد الذّات

ربک يعـينک   ربک یعینک

▪️▪️▪️▪️▪️

ابحمایة عمک الاسلام بنیته یا نبی الرحمه

غضب من ساوموه اعلیک بلغیره طفح عزمه

صاح اصدع یبوالقاسم او بلغ دینک الامه

اشحده الی یصل یمک اخلی اهله تلم دمه

عزیز افراگ ابوطالب ابد ما توصفه الچلمه

ابیا صبر او جلل تگدر تنزل للگبر جسمه

مؤمن قُریش الما حصل واحد نظیره

آخر وداع اتودعه نظره الاخیره

تجریله دمعات يا اوحّد الذّات

ربک يعـينک   ربک یعینک

▪️▪️▪️▪️▪️

انهدم بفراگ ابوطالب رُکن یلهادی من عزمک

راح الی یخرس الگوم اذا بلشر تجیب اسمک

علیک ایعز رحیله الیوم تیتمت ابفگد عمک

و الما بلشدد عافک ٬ عافک یلنبی ابهمک

لچن ماعافک الوحدک ترک نعمه الاخوه یمک

علی او ما غیره یلهادی اخوک ابحربک او سلمک

ایخاویک ابن عمک علی فوگ الاخوه

و ایشارکک حته ابحمل ثقل  النبوه

ابکل المهمات يا اوحّد الذّات

ربک يعـينک   ربک یعینک

▪️▪️▪️▪️▪️

ابفگد عمک یبوالقاسم الملایک نزلت اویه الروح

آدم دم غده یبچی او عله الجثمان نوح اینوح

ابتده عام الحزن هلیوم او باب الهم بقه مفتوح

رعاک اللّٰه او عگب ایام خدیجه اتودعک و اتروح

فگدهه من بعد عمک یضیف اعله الجروح اجروح

وهو واحد و لا غیره ینشف دمعک المسفوح

هذا البچیت الوالده بیدک دفنته

یعتبرک انته سیده و الوالده انته

بی بلغ آیات  يا اوحّد الذّات

ربک يعـينک   ربک یعینک

▪️▪️▪️▪️▪️

الملایک شیعة روحه او یعظم خالقک اجرک

اللذی اختاره الجواره الیوم هو ابفرگته ایصبرک

العمک خاطرک مکسور و اب

ابنه انجبر کسرک

او مثل هارون من موسیٰ ابعلی ربک یشد اسرک

الیوم انته علی ویاک او باچر لو خلص عمرک

علی منهو الیضل ویاه بیده لو حفر گبرک

بفراگ ابوطالب علی یمک تشوفه

لاچن علی لو فارگک کلهه تعوفه

اتصیر انقلابات  يا اوحّد الذّات

ربک يعـينک   ربک یعینک

▪️▪️▪️▪️▪️

اتعازی ایبلغک ربک ظهرک لا یضل مکسور

الدرع راح او ذخرلک سیف حیهم ذاخر او مذخور

تبارز بیه و انته اتگول حین الی الزمان ایجور

ما مات اللذی خلف علی ابقُدره یأدی الدور

فداک ایبات بفراشک او یضحک للخطر مسرور

ابحرب لو علرگاب ایمر بلا روس الدماء اتفور

کل الشداید مستعد ماتغفه عینه

حقک خلیفه اتنصبه او‌ ترفع یمینه

تنطی کرامات يا اوحّد الذّات

ربک يعينک   ربک یعینک

المرسل: الأحد, 28 تشرين1/أكتوير 2018
 
باسم الكربلائي : ابعين الله