قصيدة : يارب عليك بفاطمه

الشاعر : علي الخفاجي

الرادود : الحاج ملا باسم الکربلائی

 ليلة ١ جمادى الثاني ١٤٣٩ | الكاظمية

 

يا رب عليك بفاطمة

سجلني خادم فاطمة

******

يا ربي اقبل دعوتي

و ارزقني هاي الخدمه

قلبي و رفيجه يناشدك

من عدها ﻻ لتحرمه

الانسان كل غالي بثمن

و اشترى الغالي بدمه

و اعله الدرب صبح و مسه

بشفافي ظلت كلمه

للزهرة ارفع و نتي

تطفي جهنم دمعتي

يا ربي حسن الخاتمه

سجلني خادم فاطمة

******

لبس السواد و دمعتي

لطم الصدر يكفيني

خليني يا رب العرش

طول العمر خليني

اخدم بمنبر فاطمة

بس فاطمة تنجيني

و انصب عزاها بالقبر

لمن تغمض عيني

تقعد الموته و تستمع

لمن اون اعله الضلع

ناديتك و دمعي دمه

سجلني خادم فاطمة

******

يا كاشف الهم و الكرب

حب فاطمة عنواني

لو ملت الناس الحزن

انه استلذ بأحزاني

مستودع اسرار العلم

يلهج بسمها الساني

و الزهره قرآن الوفه

متمسك بقرآني

هيبتها من هيبة نبي

غصبا على كل نصابي

بفضلك يرب المرحمه

سجلني خادم فاطمة

******

كلما اصلي لك فرض

بخالص دعائي و رجواي

وي كل سجود اتوسلك

حب فاطمة يعيش وياي

مجلسها يا رب العرش

ما عندي غيره بدنياي

خدمتها بالنسبة الي

مثل الهوه و مثل الماي

من عندك العون التمس

يا خالق الجن و الانس

خدمتك روحي الهايمه

سجلني خادم فاطمة

تعليقات

لإرسال تعليق یجب أن تسجل في الموقع

ملفات فيديو

more_horiz

مقالات المرتبطة

آخر الصوتيات المضافة

آخر المرئيات المضافة

  • 2.00x
  • 1.50x
  • 1.00x
  • 0.75x