قصيدة : وحشة دارك

للشاعر : عمار هليل الواسطي

الرادود : الحاج ملا باسم الكربلائي

 ليلة ١٠ جمادى الثاني ١٤٣٩هـ | كربلاء

 

وحشـه دارك هالمسيه ومُظلمه

وإنطفـت شمعـة حياتك فاطمه

******

مُـظـلِـمـه دارك يحـمّاي الدخيل

وحَسْرِتـك بالروح يا حيدر تعيل

يلي منّـك تـرْجــف الدنيا وتـميل

اشلون دمعك سال يا حامي الحمه

******

سال دمعك من بَـعَــد فگد البتول

هالمسه روحك يبو اليمه اشتگول ؟

ضاگــت الدنيا وگظت كل الحلول

بالگلب نيرانْ حِزنك مُضرِمه

******

مُضرِمَه وابگلبك آهات او شَجَـنْ

من تشوف اعيالكْ حسين وحسن

وزيـنـب الـما ظن مصايبـهـا گِـظَنْ

ايعينك الله بهالمُصاب ومَقْدَمه

******

وحشه دارك يلي عينك ما غُـفت

حيف شمعـتْ بيتك الزهره طُفت

فجعه ماظن بالأوصاف اتوصُفَت

رِجَفْ منها الكون وٱهتز عالَمَه

******

ِرِجَـفْ منها الكون من گد الحزن

وبالأخـص من صار بالسرّ الدفـن

ليلك ابنـوح ومواجــع مِنْ يـجِـنْ

إنته واعيـال الغِدَتْ مِـتْـيـتِّـمه

******

كل كِـتـر ذكرى إلك يا حيدره

ذكريات ادمـوع صارن عالجره

صعبه من گلبك يودع الطاهره

مو فقط للماي يشـتـد الظمه

تعليقات

لإرسال تعليق یجب أن تسجل في الموقع

ملفات فيديو

more_horiz

مقالات المرتبطة

آخر الصوتيات المضافة

آخر المرئيات المضافة

  • 2.00x
  • 1.50x
  • 1.00x
  • 0.75x