Sun20181118


هجرك فتاك

باسم الکربلائی

هجرك فتاك باسم الکربلائی
موشحات ومدائح
إجعل هذا الفيدیو في موقعك
128 × 72
240 × 135
480 × 270
640 × 360
عرف
:طول
px
:عرض
px
هجرك فتاك - باسم الکربلائی
تاريخ الاضافة
2018-05-12
المشاهدة
152
المدة
00:04:43
عدد التحميلات
15

نص هذا المقطع

قصيدة : هجرك فتاك

للشاعر : ميرزا عادل اشكناني

 ليلة ١٧ شعبان ١٤٣٩هـ

هَجْرَك فَـتَّـاكْ   وإنته اِبْفرگاكْ

امْخلّيني ذبيح  ذابحني هَواكْ

******

يا بُو ثغَر مرسوم اُقحُوَاني     يمهدي

يمخلّي خدِّ الگمره أرجُوَاني    يمهدي

شوگي إلك رجَّعْلي عُنفواني   يمهدي

اْو نفْس الوقِت جمْر البُعُد چُواني   يمهدي

بُعدَك ذبَّاحْ     كتْرَك أرتاحْ

كل عمري سؤال   يا يوم ألگاك ؟

******

غايب نعَم بس أشعر إنته حاضِر    يمهدي

حاضِر حضُور الكُحْله بالنواظِر     يمهدي

حاضِر و أشوفك ساكن الضماير    يمهدي

حاضِر فقَط عِـنْـدَ ذَوِي البصائِر       يمهدي

يالـ شعِّ اْو بان    ابْـ نُص من شعبان

سبحانَ اللّـهْ   من نوره انْطاكْ

******

حِسْنَك وُجب يتبرْگَع ابنقابه   يمهدي

مثل الشمس لو لاذَت ابسَحابه    يمهدي

يا سيف ربنه الما نِزَع گِرَابه    يمهدي

يمتَه عددكم يكتمِل نِصابه ؟    يمهدي

جيشك منعُـوتْ     يشبه طالوتْ

ثـلْثـِمْـيَـة سيف   ويْ جيشك ذاك

ينقل التاريخ بأن جيش طالوت الذي هزم جالوت كان مكوّن من 313 شخص , وهو نفسه عدد جيش المسلمين في معركة بدر , و هو العدد الموعود بالنصر مع صاحب الأمر عجل الله تعالى فرجه

******

متشوفَك العين الگلب يشوفَـك    يمهدي

يا الچنَّك الكعبة اْو إجيت أطوفـك     يمهدي

يمته تجينه اْو تحشِد ابصفوفك  يمهدي

و اهناك أصيرَن سيفْ من سُيوفك   يمهدي

ابْجرَّة لسيوف   جرّبنه اْو شوف

لو صار الصار     خلنه ابْيمناك

******

تبارَك الله ابْحِكْمته تبارَك     يمهدي

الخلّاني أعيش اْو بيّه تسري نارك   يمهدي

ميْضرني لو طوَّل عَلَيْ نهارك    يمهدي

أفضل أعمال الأمّه إنتظارك    يمهدي

ما هَمنه الغير   يا وجه الخير

اشما تحچي الناسْ    هم نبقه اوْياك

عن النبي الأكرم (ص) : أفضل أعمال أمتي انتظار الفرج

******

اسنينك ألِف و أكثر و أنا أنُطْرَك   يمهدي

و أكثر أريد اِيْطوِّل الله عُمرَك   يمهدي

و ادعي من الباري يسهِّـل أمْرَك   يمهدي

ينطيك رُخصه تظهر اْو يِنصْرَك   يمهدي

يا آخر نٌور  سيفك منصور

يا يوم انشوف  لو رفِّ اِلواك

المرسل: السبت, 27 تشرين1/أكتوير 2018
 
باسم الکربلائی : هجرك فتاك