Sat20181215


يا دائم الفضل

باسم الكربلائي

يا دائم الفضل باسم الكربلائي
باسم الكربلائي
لطميات
إجعل هذا الفيدیو في موقعك
128 × 72
240 × 135
480 × 270
640 × 360
عرف
:طول
px
:عرض
px
يا دايم الفضل - باسم الكربلائي
تاريخ الاضافة
2018-05-12
المشاهدة
493
المدة
00:00:00
عدد التحميلات
56

نص هذا المقطع

قصيدة : يا دائم الفضل

للشاعر : حاتم صبري الكاظمي

المناسبة : شهادة السيدة زينب ع

ليلة ١٦ رجب ١٤٣٩ - حسينية العاشور

يا دائم الفضل على البريه

اجعل حياتي خدمة زينبيه

******

بعيونه القلب .. يدعي بدمعته

شما يطلع فجر

اقبل هالعمر .. لحجاب العرش

ياربي نذر

متولع أظل .. انكتبت خدمتي

بيها افتخر

اجعلني عبد .. عِدْ سيدتي

يُوسْفةِ الخِدر

بيّه الجوارح تدعي هالمسية

اجعل حياتي خدمة زينبية

******

ذَرِّيني رَمِل .. من قاع الإبه

بِـ هامات الشرف

سومرني الحزن .. مثل البالشمس

عاري دم نزف

لو لحظة صبر .. عِدْ زينب يرب

دلالي هتف

بهودجها علق .. يتبلل دمع

عالقطعوا له جف

تروح بقوافل دمعتي سبيه

اجعل حياتي خدمة زينبيه

******

ما شاغلني بس .. هالچم امنيه

غاية مطلبي

خيمة تحترق .. روحي بالجمر

لو مثل العبي

اكسرلي ظهر .. من سوط الشمر

لو دمعة سبي

سويني يرب .. ذره من ترب

تل الزينبي

تلمسني اشرف خطوة هاشميه

اجعل حياتي خدمة زينبيه

******

خليني هَوَه .. بِـ ريَّاتِ الخِيم

من حلق السمه

عَطِشنِي أرتضي .. بِـ رياقِ الطفل

عيشني الضمه

لو قطرة عذِب .. بجف ابو الفضل

لو قطرة دمه

خيط من الستر .. احمي من الضرب

زينب فاطمة

سويني كلشي بعطره غاضريه

اجعل حياتي خدمة زينبيه

******

يا رب احمدك .. لو صاير دوه

السطرة بخد طفل

فضلك أشكره .. لو استشعره

شيسوي الحبل

اسجد لك ﻷن .. حسست القلب

عثرات الهزل

لزينب أنجعل .. من درب اليسر

بالظهريه ظل

اتركني دوه السطرة جفن رقية

اجعل حياتي خدمة زينبيه

******

عايش دنيتي .. عاشور الحزن

حورائي الهضم

يبقه هالحزن .. فرض محبتي

ميمنعه الخصم

من طَبْتْ العَزه .. من حب خدمتي

ما اريد انحرم

شينفعني العمر .. لو ماكو بجي

لو ما بي لطم

يا باسط اليدين في العزيه

اجعل حياتي خدمة زينبيه

المرسل: السبت, 27 تشرين1/أكتوير 2018
 
باسم الكربلائي : يا دائم الفضل