قصيدة : هيهات ماننسى الضلع

للشاعر : علاء عبدالحسين الكربلائي

طور : طلع_شباب_من_الخيم

ليلة ٣ جمادى الثاني ١٤٣٩هـ | بغداد

هيهات ما ننسى الضلع

يا فاطمة المظلومة

⁦▪️⁩⁦▪️⁩⁦▪️⁩⁦▪️⁩⁦▪️⁩

فاطمة بإسمج نصيح بعالي صوت

ما نجامل عالضلع لا للسكوت

حيدرية و حاشه ما يبلعنه حوت

فاطمية ابخدمتج نحييه و نموت

صرختنه هذي و تنسمع

يا فاطمة المظلومة

⁦▪️⁩⁦▪️⁩⁦▪️⁩⁦▪️⁩⁦▪️⁩

دمنه زهرائي مجانينج نظل

جلمة نحجيها بشجاعة بلا خجل

لا فتى الا علي خير العمل

علي الأول غصباً اعله أم الجمل

ما غيره حيدر نتبع

يا فاطمة المظلومة

⁦▪️⁩⁦▪️⁩⁦▪️⁩⁦▪️⁩⁦▪️⁩

عالمناحر فاطمة اكتبنه العهد

نظل نخدمج ابد منعوفج ابد

و بخدمتج و الله من جد وجد

نصيح باسمج فاطمة مدد مدد

نعلقلج العشره شمع

يا فاطمة المظلومة

⁦▪️⁩⁦▪️⁩⁦▪️⁩⁦▪️⁩⁦▪️⁩

فاطمة و نقسم وحق عرش السمه

الما رضه الـ بحيدر ولي منسالمه

الله يلعنها السقيفه المجرمه

سجيلنه بدفترج يا فاطمة

عن خدمتج ما نمتنع

يا فاطمة المظلومة

⁦▪️⁩⁦▪️⁩⁦▪️⁩⁦▪️⁩⁦▪️⁩

فاطمة اعليج ابدمع عين الحسن

نريدج بيوم الحشر يوم المحن

تسلمينه بإيدج الجنة عدن

الجنة بوجودج تصير أحلى وطن

لولاج ما قام الشرع

يا فاطمة المظلومة

⁦▪️⁩⁦▪️⁩⁦▪️⁩⁦▪️⁩⁦▪️⁩

كلمن يحبج محبته تميزه

يا كريمة و فضلج تعدّى و جِزه

بكل عزه نشهد الج فد معجزه

حتى بالمحشر الج ننصب عزه

نجري لج هناكَ الدمع

يا فاطمة المظلومة

⁦▪️⁩⁦▪️⁩⁦▪️⁩⁦▪️⁩⁦▪️⁩

غالية و ماكو بغلاتج غاليه

و التوفقينه المراتب عاليه

يعني مقبول بخدمته راضيه

نظرة منج وحده كلش كافيه

حبل الوصل ما ينقطع

يا فاطمة المظلومة

تعليقات

لإرسال تعليق یجب أن تسجل في الموقع

مقاطع فيديو

more_horiz

مقالات المرتبطة

آخر الصوتيات المضافة

آخر المرئيات المضافة

  • 2.00x
  • 1.50x
  • 1.00x
  • 0.75x