Sun20181216


يوسف ما رموك

باسم الكربلائي

يوسف ما رموك باسم الكربلائي
باسم الكربلائي
لطميات
إجعل هذا الفيدیو في موقعك
128 × 72
240 × 135
480 × 270
640 × 360
عرف
:طول
px
:عرض
px
يوسف ما رموك - باسم الكربلائي
تاريخ الاضافة
2018-04-21
المشاهدة
456
المدة
00:12:25
عدد التحميلات
58

نص هذا المقطع

قصيدة : يوسف ما رموك

للشاعر : سيد عبدالخالق المحنة

طور : زينب_للجهاد_اليوم_تدعينا

 ١٦ جمادى ٢ | ١٤٣٩ هـ العتبة العباسية

يوسف ما رموك ابير احزانك

لو اُم البنين الربت اخوانك

لو مسّك خطر يروحنلك فدوه

ما تربى الأسود إلا ابحضن لبوه

لو اُم البنين الربت اخوانك

******

ريت الاربعة وياك يحمونك

لا توقع ابير و لا يبعيونك

و الرفعة مقامك ما يحسدونك

ما تغلى الرقاب لخاطر عيونك

هاي ام الاسود الحره ربتهم

مو بس باللبن بالغيرة غذتهم

غذتهم شهامه و مرجله و نخوه

ما تربى الأسود إلا ابحضن لبوه

لو اُم البنين الربت اخوانك

******

عافوك و مشوا مرتاح خاطرهم

ليش اتعاتب الماتت ضمايرهم

شوف ابكربله شكتبت بواترهم

لجل حسين تتقطع مناحرهم

يا يوسف بريئ الذيب من دمك

مشكلتك لأن عباس مو يمك

ينطيهم درس عباس بالخوه

ما تربى الأسود إلا ابحضن لبوه

لو اُم البنين الربت اخوانك

******

رجعوا يم ابوك و قبلوا ايده

قالوله قميصه و بي دم اوريده

كلام ام البنين تقوله و تعيده

اليجيني بغير ابو السجاد ماريده

اريد اصدوركم دون الاخو ساتر

يمه ما يموت اليحسب الباجر

يستاهل خدرنا جفوف المروه

ما تربى الأسود إلا ابحضن لبوه

لو اُم البنين الربت اخوانك

******

اخوتك لو ربوا بأحضانها الحره

ما شالوا رماد و عافوا الدره

ييوسف علمت عباس من زغره

حارس زينب وخادم لبو العتره

يبوس ايد الحسين و يوقف اجلالاً

تسمع بس نعم و اتدلل و حالاً

عرفها ابلا حسين الدنيه ما تسوه

ما تربى الأسود إلا ابحضن لبوه

لو اُم البنين الربت اخوانك

******

امك ما جوتها جمرة الفرقه

و لاظلت ابدربك تلطم بحرقه

ونين ام البنين يسكت الورقه

بردت و الحنينه تدفه بالملقه

اجت رحمة الموت بقسوة الغيبة

ييوسف و اليضمه القبر شيجيبه

و العطشت ابنها شلون تتروه

ما تربى الأسود إلا ابحضن لبوه

لو اُم البنين الربت اخوانك

******

ييوسف و الشمل بعد الفراق التم

رد يعقوب شوفه و راح ذاك الهم

لجن ام البنين شكثر تتألم

ما ردوا ابنها رد ابن حذلم

من سمعت ابمقتل صاحب الراية

قالت و النعم ما خيب ربايه

قاللها ملك ماي النهر قوه

ما تربى الأسود إلا ابحضن لبوه

لو اُم البنين الربت اخوانك

******

تصرخ وين اخوتي و رافع ايمينك

ما واحد اجاك و لزم جفنيك

لو صاح السبط ها يالأخو وينك

يسمع اربعة يصيحون عد عينك

صاحوا اربعتهم قول مولانا

خدامك و اخوتك دوم تلقانه

واحدهم بجفه رماح تتلوه

ما تربى الأسود إلا ابحضن لبوه

لو اُم البنين الربت اخوانك

******

ما ودوا قميص و يحمل اخباره

بس ودوا اختهم تحمل ابشاره

ابشرج عالشريعه ايمينه و يساره

و السبعين الف سجدوا البتاره

غاروا اربعتهم و الارض مالت

و الجابت مثلهم بعد ما جابت

شبه السيل نزلوا و الأرض رخوه

ما تربى الأسود إلا ابحضن لبوه

لو اُم البنين الربت اخوانك

المرسل: السبت, 27 تشرين1/أكتوير 2018
 
باسم الكربلائي : يوسف ما رموك