Sun20181216


صحوة الموت

باسم الكربلائي

صحوة الموت باسم الكربلائي
باسم الكربلائي
لطميات
إجعل هذا الفيدیو في موقعك
128 × 72
240 × 135
480 × 270
640 × 360
عرف
:طول
px
:عرض
px
صحوة الموت - باسم الكربلائي
تاريخ الاضافة
2018-04-10
المشاهدة
374
المدة
00:00:00
عدد التحميلات
45

نص هذا المقطع

قصيدة : صحوة الموت

للشاعر : سيد عبد الخالق المحنه

شهادة السيدة زينب ١٥ رجب ١٤٣٩هـ حسينية الحاج داود العاشور _ البصره

صحوة الموت والدار ضوتها بالمشاعل

عدها خطار وتريد حظورك يابو فاضل

تره الخطار ملج الموت مو غيره

تعال وتنتهي المأساة والحيره

يابو فاضل

******

زيارة موت مكروهه الزياره

و أخت عباس تحسبها بشاره

وصل خطارها و انطه الاشاره

توضت و إشعلت كل الاناره

اجاها الضيف يتخطى الستاره

و هيه تحجبت له وبإنتظاره

مرحبا بيك يا موت سعيده بالنهايه

لازم اليوم عباس يجيها بيده رايه

يعباس العمر طالت مشاويره

تعال وتنتهي المأساة والحيرة

يابو فاضل

******

تمنّت من گرب موعد اجلها

قبل عزريل يوصلها الكفلها

اذا واحد يناشد وين اهلها

تريد تگول ابو فاضل وصلها

يكافل لون تستغرب شكلها

تره فرقاك والشامت كتلها

من الطفوف لليوم تنادي ما تجيها

والتجاعيد والشيب اخبرك من سبيها

النهر بعيونها ظلت تصاويره

تعال وتنتهي المأساة و الحيره

يابو فاضل

******

جميع الناس من تلفي المنيه

يوصون ويكتبون الوصيه

وهذا يوصي ابنه وذاك اخيّه

يحيرة زينب بهاي المسيه

جميع اخوانها تحت الوطيه

ولدها تذبحو بالغاضريه

ما تجي اليوم عباس تشيع هالحبيبه

تدري بالشام شمات يسموها الغريبه

جرحها الموت لمن صار تأخيره

تعال وتنتهي المأساة و الحيرة

يابو فاضل

******

يملچ الموت ما بيّن وليها

تعال استأذن و اگرب عليها

إهي متهيأه وسبلت ايديها

تره غير النفس ما تلگه بيها

سؤال بيا شكل من تعتنيها

تريد بهيئة الكافل تجيها

تخلص الروح وتروح ولا يخلص حزنها

ها يعباس شتگول اذا تنظر متنها

نعم سوط المتن ينطيك تقريره

تعال وتنتهي المأساة والحيره

يابو فاضل

******

صحت وين الغياره الحيدريه

تجي وتشيل نعش الهاشميه

تشابه دفنة الزهره الزچيه

غريبه والتشيع بس رقيه

اويلي عليچ يأم نفس الأبيه

سبيه و الجنازه هم سبيه

صاحت الناس معقول أبوها ماحظرها

عدنه أخبار موجود يتاني يم گبرها

يحيدر والحزن راحت أساطيره

تعال وتنتهي المأساة والحيره

يابو فاضل

******

مشت وأحزانها ظلت وراها

يحال العطشت ومحد رواها

تمنت چف اخوها وما إجاها

عليله وبس ابو فاضل دواها

يمخنوگه وبقت بالطف هواها

يحيدر عالنهر طفوا ضواها

من السياط آثار خذتهن للنشامه

ها يكفال لَتقول اجتك بالسلامه

كسرها يم أبوها يصير تجبيره

تعال وتنتهي المأساة والحيره

يابو فاضل

******

اذا بچفوفها تبين فواصل

تره هذا بسبب شد السلاسل

اذا تنظر دمه من الراس نازل

ضربت راسها بروس المحامل

يمزگ روحها حچي العواذل

ينادوها يزينب ماكو كافل

شوف المتون وتشوف فعلهم بالأسيره

چفها مكسور وشلون تشاگف بالمسيره

تشاگف بالسياط أختك يبو الغيره

تعال وتنتهي المأساة والحيره

يابو فاضل

المرسل: الخميس, 25 تشرين1/أكتوير 2018
 
باسم الكربلائي : صحوة الموت