قصيدة : شوف العين | شالوهن سوه

للشاعر : سيد عبد الخالق المحنه

الرادود : الحاج ملا باسم الكربلائي

ليلة ١١ جمادى الثاني ١٤٣٩هـ | كربلاء

 

شوف العين نعشين شالوهن سوه

يابو حسين مبروك رد ليك الهوه

وي نعشها اجه نعش الوفه

من بعدها على الدنيا العفه

شالوهن سوه

******

حيدر استقبل نعش ام الغياره

هذي أم الضَّحى بيمينه ويساره

بيها سوط من السبي ودمعة أساره

وبقلبها من الخيم ظلت شراره

ماتت ومات الوفه وياها بجداره

المن يظل الوفه ومدفونه داره

حيدر قوم و اليوم يوم الملتقى

كلشي زال واتشال بس حبك بقى

ما توافي التقلك آسفه

من بعدها على الدنيا العفه

شالوهن سوه

******

أنت يابو المعرفه تعرف قدرها

ضحّت بأربع ضياغم وي عمرها

تضحيتها يا علي تدري شكبرها

تشعر مقصره وتقدملك عمرها

يا علي يا بو الصبر جازي صبرها

انت بيدك نزل الحره بقبرها

يم عباس عالراس نعشج نرفعه

مو على الايد ونريد نوفي الأربعه

من أثرها تفوح العاطفه

من بعدها على الدنيا العفه

شالوهن سوه

******

يا علي استقبلها واستقبل وفاها

واعله جاهك بلكت تبطل بچاها

انت تدري ما تسألك عن ظناها

تنسى همها لو ابو الاكبر اجاها

هيه مخنوقه وأبو اليمه هواها

بس تبوسه بمنحره يرجع صباها

يتلاقون وهناك ينزاح القهر

خلف حسين موجود عباس القمر

بين الأحباب تطول السالفه

من بعدها على الدنيا العفه

شالوهن سوه

******

خل أبو اليمه يجي ينظر كسرها

هيه من كثر اللطم خسفت صدرها

گِله لا يتفاجئ بكسرة ظهرها

مثل كسرة ظهرك بطيحة قمرها

امك اعله المغتسل شبحت نظرها

عدها خمس أولاد بس محد حظرها

تشوف الجفوف وتشوف مكسور العظم

جفها مكسور ويلاه من كثر اللطم

ويلي ويلي جمرها الما طفه

من بعدها على الدنيا العفه

شالوهن سوه

******

لا تصدموها يحماي الحميه

أخِّر اعله ام الحزن جية رقيه

من يسكتهن إذا قِعدن سويه

تدري مايخلص حديث الغاضريه

يا علي تگلك ألف غصة منيه

ولا يسمعوني مشت زينب سبيه

خو تدرون للان مليانه حزن

يا رواي مو ماي عطشانه إبن

واجتمعتوا بعدهي خايفه

من بعدها على الدنيا العفه

شالوهن سوه

******

يا علي لم الشمل هاي المسيه

تلتقي ام القمر ويه الزجيه

التقن وتعارفن يوم المنيه

بالقبر أُولى الليالي الفاطميه

فاطمه تگلها دشوفي المر عليه

فاطمه الأخرى تگلها شوفي ايديه

هاي تقول ما طاب ضلعي المنكسر

هاي تصيح ويلاه من سوط الشمر

حسرة فراق تهب كالعاصفه

من بعدها على الدنيا العفه

شالوهن سوه

******

فاطمه تقلها غداً يم الغوالب

أحضر بيوم الحشر وأشكي المصايب

ارفع جفوف القمر بيدي واطالب

وأدعي ياربي انتقم من النواصب

من قبل هذا يحره عدنه غايب

ياخذ بثار المشت بين الأجانب

ما يرتاح ويهيد الا بطلعته

ياخذ ثار يا ثار زينب عمته

من السياط جرحها الما شِفه

من بعدها على الدنيا العفه

شالوهن سوه

تعليقات

لإرسال تعليق یجب أن تسجل في الموقع

مقاطع فيديو

more_horiz

مقالات المرتبطة

آخر الصوتيات المضافة

آخر المرئيات المضافة

  • 2.00x
  • 1.50x
  • 1.00x
  • 0.75x