Wed20181024


جف السؤال

باسم الكربلائي

جف السؤال باسم الكربلائي
باسم الكربلائي
لطميات
إجعل هذا الفيدیو في موقعك
128 × 72
240 × 135
480 × 270
640 × 360
عرف
:طول
px
:عرض
px
جف السوال - باسم الكربلائي
تاريخ الاضافة
2018-04-05
المشاهدة
150
المدة
00:00:00
عدد التحميلات
29

نص هذا المقطع

قصيدة : جف السؤال

للشاعر : سيد عبدالخالق المحنة

طور : هل_أنبأ_المسمار

 ليلة ٦ جمادى الثاني ١٤٣٩هـ | بغداد

جف السؤال وطاح امن ايدي القلم

وجه الحقيقة ليش يصفعه الوهم

هالإشارة ... للغيارى

⁦▪️⁩⁦▪️⁩⁦▪️⁩⁦▪️⁩⁦▪️⁩

كشف مصباح فكري و ظلمة المخبأ

تجاوزت الظلام اليطعن المبدأ

لقيت الغيرة قطرة بطينة المنشأ

السبب حقد الجهل من كلمة الـ إقرأ

لا ترجه من ابليس يحب النبي

لا ترجه من الحره تذل بالسبي

و العبارة ... للغيارة

⁦▪️⁩⁦▪️⁩⁦▪️⁩⁦▪️⁩⁦▪️⁩

تمادى الليل شفته بطيحة الشمعة

تمادى بليس الاول ويْ يَدِ الصفعه

يداحي الباب كون الباب متقلعه

فلا واحد يجيك و يصفع البضعه

لو ما ياسيف الباري تحطم صنم

اول تصير و كلها تقلك نعم

و الصدارة ... للغياره

⁦▪️⁩⁦▪️⁩⁦▪️⁩⁦▪️⁩⁦▪️⁩

يطبع النور بس ينشاف ما ينمس

تره القلج و إن بالحرب جان اخرس

يشذرة امْن العرش وبجف علي المحبس

اختنق حيدر لأن بس بيج يتنفس

بئس الحياة البيها يحكم نذل

ليث الليوث بسيفه انقاد بحبل

حامي جاره ... للغياره

⁦▪️⁩⁦▪️⁩⁦▪️⁩⁦▪️⁩⁦▪️⁩

اذا بالزهره ندعي تقبل الدعوة

اذا مسنه العطش من حبها نتروه

اذا قدسنه آدم فاطمة المأوى

اذا قدسنه حوه هيه أم حوه

نور الجلالة شلون انشال بنعش

طفوا ضواها طفوا نور العرش

و الإنارة ... للغيارى

⁦▪️⁩⁦▪️⁩⁦▪️⁩⁦▪️⁩⁦▪️⁩

اذا احجي اعله ضلعج لازم استأذن

اجي سابغ وضوئي و مدمعي يأذن

تظل كلمة و إن منها الغياره تون

يظل كبش الرسالة ابنج المحسن

اعمى الينكرج و انتي شمس الضحه

مثل اليصلي و يكفر بالفاتحة

و البشارة ... للغيارى

⁦▪️⁩⁦▪️⁩⁦▪️⁩⁦▪️⁩⁦▪️⁩

ملخص كربله بالصوت و الصورة

حرق باب و سلب و ضلوع مكسورة

طفل مقتول و الاطفال مذعورة

لجن ماكو نهر و جفوف مبتورة

هاي الايادي السطرت خير البشر

باجر يفاطم تذبح اشرف نحر

يبقى ثاره ... للغيارى

⁦▪️⁩⁦▪️⁩⁦▪️⁩⁦▪️⁩⁦▪️⁩

جنود ابليس بغضاً صفعوا المصحف

تره بسمار صدرج فتح باب الطف

يزينب دمعتج للحشر ما تنشف

استعدي للسبي و قطع النحر و الجف

باجر اخوج تدوسه خيول و زلم

ثقل الحوافر ترفع ثلث الجسم

و انتظاره ... للغيارى

⁦▪️⁩⁦▪️⁩⁦▪️⁩⁦▪️⁩⁦▪️⁩

المرسل: الأربعاء, 20 حزيران/يونيو 2018
 
باسم الكربلائي : جف السؤال