Fri20181019


أمشي بالمقبرة

باسم الكربلائي

أمشي بالمقبرة باسم الكربلائي
باسم الكربلائي
لطميات
إجعل هذا الفيدیو في موقعك
128 × 72
240 × 135
480 × 270
640 × 360
عرف
:طول
px
:عرض
px
امشي بالمقبرة - باسم الكربلائي
تاريخ الاضافة
2018-03-20
المشاهدة
235
المدة
00:00:00
عدد التحميلات
39

نص هذا المقطع

قصيدة : أمشي بالمقبره

للشاعر : سيد عبدالخالق المحنة

 ليلة ٣ جمادى الثاني ١٤٣٩هـ | بغداد

امشي بالمقبرة ... والسمه مظلمة

توقفت يم قبر ... بي اسم فاطمة

 و السمه مظلمة

?????

مقبرة و ليل ومتاهه

و انه امشي و تيهت

قطعة مكتوبة شفتها

عالقبر و تفاجئت

شابة و علوية هذي

ومن اسمها استغربت

فاطمة محمد اسمها

و انه يمها توقفت

سلمت وبحذر .. والمدامع نهر

وأنظر اعله الاسم .. وانظر اعله السمه

و السمه مظلمة

?????

ودي اعرف سبب موتج

حتى عنج ارتحل

حادث السَّبَّب وفاتج

لو مريضه لو قتل

هم تركتيلج يتامه

و ميت بروحج طفل

هم يتسمه انتي يفاطم

لو بقه الوالد عدل

هم اجه عاذلج ... يشتم ابوالدج

ضلوعج تكسرت ... لو بقت سالمه

و السمه مظلمة

?????

هم وصل ظالم لدارج

و اقتحم باب الخدر

هم وره الباب الثقيلة

لذتي و الغاية الستر

هم مثل وجه الزجيه

غفلة وجهج منسطر

و الكسر كسر المشاعر

و الضلع خل ينكسر

هم كسرلج ضلع ... و الكسر ينسمع

هم نخيتي علي ... و انتي متيتمه

والسما مظلمة

?????

بالله يا علويه اسأل

من وصل لييج الأجل

هم اجت ناس الوداعج

و القرايب و الأهل

و السؤال المهم عندي

من وصلتي المغتسل

هم سمعتي طفلة تبجي

و تلطم الراس بوجل

و الطفل ينهدم ... من يحس باليتم

و انتي اعرف بعد ... ونّته مؤلمة

والسمه مظلمة

?????

دفنتج بالظلمة صارت

مثل فاطم يا تره

لو نهار و كلها تدري

القاصي و الداني دره

ظل قبر أمنه الزجيه

يدري بي بس حيدره

و الله لو أندل قبرها

إلّا أشَيْبِ المقبره

والخِسَف للصَدُر فاطمة بلا قبر

ما أريد الدمع لازم أبجي دمه

والسمه مظلمه

?????

مابقت عندج يتيمة

شافت سياط المتن

ولا أظن عندج حبيب

اعله النهر ضامي يون

نزلت بصدره الحوافر

سِحْنَتْ ضلوعه سَحِنْ

ولا بقه عندج ذبيح

اثْلَثْ ليالي بلا دفن

هم الج عايله ... تنسبي بكربله

لا طفل ينذبح ... من سهام الضمه

و السما مظلمه

?????

خلصت معظم حديثي

و الفجر قرب يطر

صدت عيوني ابدمعها

للمنارات الصفر

يا علي بزينب احلفك

و الدموع الـ باليسر

قبل لا توصل منيتي

رايد اندل القبر

ناري ما تنطفي ... و القبر مختفي

بس اشم تربته ... ها يحامي الحمه

و السمه مظلمة

?????

أبجي من اقره اسمها

عالقبر و بلا وعي

و اطبر الراس بقبرها

و اقره اطوار النعي

ادري مو هيه و لكن

صعبة املك مدمعي

مره الطم وجهي بيدي

مره اعض بأصبعي

فاطمة علتي ... جرحي و مصيبتي

يا علي آيست ... كلمة الخاتمه

و السمه مظلمة

?????

المرسل: الأربعاء, 20 حزيران/يونيو 2018
 
باسم الكربلائي : أمشي بالمقبرة