قصيدة : دمعتي
للشاعر : حاتم صبري الكاظمي
الرادود : الحاج ملا باسم الكربلائي
ليلة ١٩ جمادى الأول ١٤٣٩هـ البصرة
دمعي ... كل عمري شمعة بمجلس الزجيه
ادعي ... يا ربي ترضه فاطمة عليه
******
بالمجالس هالعمر
وقف خليته و نذر
بالماتم اختصر
الدنيه ما تسوه
المجلس تحبه السمه
بيه تحظر فاطمة
تلطم اويه اللاطمه
عالضلع كوه
توقف .... اباب المجالس تبجي بالعزيه
ادعي ... يا ربي ترضه فاطمة عليه
******
ما يباعدني الزمن
مجلس الزهره وطن
شعندي غير ام الحسن
خل يلوموني
شيعي دوماً مقتنع
اغلى قربان الدمع
اني جنسيتي الضلع
ثاره مضموني
روحي.... من المهدي حتى لحدي فاطمية
ادعي ... يا ربي ترضه فاطمة عليه
******
روحي بالمنبر اشد
لو اطشها مي ورد
يلقبوني بالعبد
عبد للزهره
اخوه ما بيها خصم
محله جوكات اللطم
اليدخللها منهضم
حيدر يحظره
يا ريت .... من اللطم ما تنحرم اديه
ادعي ... يا ربي ترضه فاطمة اعليه
******
انه عاشور الحزن
بالمهد اني اون
بالمجلس منعجن
طيني و الانفاس
تراب خلقي نوع بي
من التل الزينبي
يعني بالغيرة ابي
صاير العباس
للموت .... نبضاته قلبي تبقه حيدريه
ادعي ..... ياربي ترضى فاطمه عليه
******
وذعت دمع العشق
عنه لا ما افترق
عالصدر لمن ادق
الزهره تقبلني
كربلائي بغريتي
زينبيه دمعتي
بالمجالس شمرتي
علمت ابني
قتله ..... هذا اللطم خلي الك هويه
ادعي ..... يا ربي ترضه فاطمة عليه
******
بهالعمر و شما جزه
شرف و اغلى جائزة
وقفتي بنص العزه
تسوه كل عمري
لو ارف بيدي العلم
ماي اوزع للخدم
شقد حلو يحس بالألم
باللطم صدري
رايد .... تكتبلي اسمي بالسجل رقية
ادعي .... يا ربي ترضه فاطمة عليه
play_arrow
play_arrow
play_arrow
play_arrow
play_arrow
play_arrow
تعليقات