قصيدة : مظلومة يا زهراء

الشاعر : علاء عبد الحسين الكربلائي

الرادود : الحاج ملا باسم الكربلائی

طور : لو_ماينذبح_والينه

 ليلة ١٦ جمادى الأول ١٤٣٩هـ _ الفاو

 

 تسل سيف الصبر و تعوف

فقارك فلا معقول

و يترس صدرك الدخان

و الخاين عليك يصول

عليك اتمرجل الخايف

يبن عم النبي المرسول

طبعك ما قلت وسفه

علي و بتارك نعرفه

ايديك شبيها متجتفه

عجب و شلون ترضاها

تصير الغيرك الأمره

******

عالي و يا علي اليعلاك

بس الباري يا كرار

تأشر عالسمه بجفك

تخلي اعله النجوم اثار

شلون اتواكح ابن ابليس

وياك و يهجم اعله الدار

عجيبه الغصه بوريدك

يالمرجع الزمن بيدك

سقط من فاطمة وليدك

بقيت اعله الهضم ساكت

ابعينك ﻻيجه العبره

******

المثل البضعه يا كرار

شلون اعله الوجه تنطق

ابد مو طبعك تهادل

و تسكت يا علي اعله الحق

و ما يلحق بعد للقوم

النبي و ﻻ مصحف اليلحق

عصرها الما اله اصل و انساب

اجه بحيلة و رفسها الباب

و ظلع بت الرسول انعاب

نبت بسمار ذاك الباب

بصدرها و هدت الجمره

******

سؤال ابخاطري و ادري

جوابه يريد منك حيل

عليمن فاطمة الزهره

يحيدر تندفن بالليل

قبرها تظمه عن الناس

و تصب المدامع سيل

ليش ام الحسن و حسين

ما نندل قبرها وين

جاوبنه يبو الحسنين

يا حكمة اقتضت تخفي

القبر يا والد العتره

******

يجرح للقلب يجرح

العجب لو طال ندريبه

عشر معشار ما نملك

من صبرك يبو الطيبه

لذالك ظل امل عدنه

ابنك صاحب الغيبه

يجينه وياخذ بثاره

يشيل بجفه بتاره

و دارك تنطفي ناره

يرد الحق يراعي الحق

الك يا صاحب القدره

تعليقات

لإرسال تعليق یجب أن تسجل في الموقع

لطميات

more_horiz

مقالات المرتبطة

آخر الصوتيات المضافة

آخر المرئيات المضافة

  • 2.00x
  • 1.50x
  • 1.00x
  • 0.75x