Thu20180920


سبحان الرب الخلاني

باسم الكربلائي

سبحان الرب الخلاني باسم الكربلائي
باسم الكربلائي
لطميات
إجعل هذا الفيدیو في موقعك
128 × 72
240 × 135
480 × 270
640 × 360
عرف
:طول
px
:عرض
px
سبحان الرب الخلاني - باسم الكربلائي
تاريخ الاضافة
2018-02-25
المشاهدة
157
المدة
00:12:24
عدد التحميلات
24

نص هذا المقطع

قصيدة : سبحان الرب الخلاني

للشاعر : سيد عبدالخالق المحنة

 ليلة ١٧ جمادى الأول ١٤٣٩هـ _ الفاو

سُبحانَ الرب الخلاني 

ماتت روحي و عايش اني 

لا انساها و لا تنساني

⁦♦️⁩⁦♦️⁩⁦♦️⁩⁦♦️⁩⁦♦️⁩

مشيت اشلون عني و احنه متفقين

تعاهدنه سوه عدلين لو ميتيين

تعوفيني وحيد او للقبر تمشين

بعد روحي يروحي باللحد تغفين

ما متفقن تعوفيني

و بنار الفرقه تخليني

و اللي يحب يندل عنواني

لا انساها و لا تنساني 

⁦♦️⁩⁦♦️⁩⁦♦️⁩⁦♦️⁩⁦♦️⁩

يورده امن العرش بعيوني مزروعه

ابد ما لحتي قاع و دوم مرفوعه

عفاني شلون اعيش و روحي مقطوعه

ذبحني الليل ونت الليل مسموعه

للبير اتعنه بكل ليله

و شسوه فراقج احجيله

سر الما يعرف بي ثاني

لا انساها و لا تنساني 

⁦♦️⁩⁦♦️⁩⁦♦️⁩⁦♦️⁩⁦♦️⁩

ادير عيوني و انده فاطمة وينج

عيني تعودت تتصابح ابعينج

اباوع للجدار و اسمع ونينج

تراب الموت حاجز بيني و بينج

و الحايط يرسملي الصورة

حرقة باب و ام مذعورة

و البسمار شقد اذاني

لا انساها و لا تنساني 

⁦♦️⁩⁦♦️⁩⁦♦️⁩⁦♦️⁩⁦♦️⁩

احس ونات زينب تكسر بعظمي

انه اسمعها تنوح و تلهج بأسمي

علي الرد الشمس يقدر يرد أمي

علامه ما يرد ام الحسن يمي

بين دمع الطف بعيوني

باجر مثل امي يسطروني

حسرة و يلهج بيها الساني

لا انساها و لا تنساني 

⁦♦️⁩⁦♦️⁩⁦♦️⁩⁦♦️⁩⁦♦️⁩

صرت بالماي اغص و عيشيتي مره

شله بهاي الحياة اليفقد الزهره

اشوف حسين بجي و انظر النحره

تراوالي الخيول التسق بصدره

زينب يمه تشوف الحاله

من تلعب فوقه الخياله

صورة و مطبوعة بأذهاني

لا انساها و لا تنساني 

⁦♦️⁩⁦♦️⁩⁦♦️⁩⁦♦️⁩⁦♦️⁩

تره اليدفن حبيبه يندفن صبره

يدير عيونه لكن فكره يم قبره

لون بيده يصح يتمدد بكتره

يفيض تراب لحده بموجة العبره

لو مو امر الله و مكتوبه

ما واحد يدفن محبوبه

خل يتشيد بيت احزاني

لا انساها و لا تنساني 

⁦♦️⁩⁦♦️⁩⁦♦️⁩⁦♦️⁩⁦♦️⁩

المرسل: الخميس, 21 حزيران/يونيو 2018
 
باسم الكربلائي : سبحان الرب الخلاني