Thu20180920


ياصبر أيوب

باسم الكربلائي

ياصبر أيوب باسم الكربلائي
باسم الكربلائي
لطميات
إجعل هذا الفيدیو في موقعك
128 × 72
240 × 135
480 × 270
640 × 360
عرف
:طول
px
:عرض
px
ياصبر ايوب - باسم الكربلائي
تاريخ الاضافة
2018-02-17
المشاهدة
235
المدة
00:13:02
عدد التحميلات
53

نص هذا المقطع

قصيدة : يا صبر أيوب

للشاعر : ميرزا عادل اشكناني

طور : امرأة_من_نور ياضوه_القمره

 ليلة ٢٤ جمادى الأول ١٤٣٩ _ كربلاء

يا صبر ايوب  يا حزن يعقوب

شلون صاحي جرحك و جفنك تغمضه

الزهره خلف الباب  من ضلعها انصاب

نادت اسمك من قبل مـتنادي فضه

يصرخ ضلعها المنهشم

يالمهدي و انته المنتقم

يا صـــبر ايــــوب

⁦♦️⁩⁦♦️⁩⁦♦️⁩⁦♦️⁩⁦♦️⁩

رواية اجر بيدي القلم و الليلة اروي

جنايه   تهز عرش الله بالعالم العلوي

رزايه   تخلي الدين جف اذراعه ملوي   

خفايه   ونين الزهره بأذنك بعده يدوي

الفاطمه ونه .. و اهي بالجنه

ما اظن ثيابها السندس الاخضر

لاجن أتأكد .. لابسه الاسود

ترتقب يجبر ضلعها اللي تكسر

تصيح ابدمعها المنسجم

يالمهدي و انته المنتقم

يا صـــبر ايــــوب

⁦♦️⁩⁦♦️⁩⁦♦️⁩⁦♦️⁩⁦♦️⁩

مصايب   عظيمة و من عظمها يفور دمك

تراقب   عيون الزهره يالمهدي و تحشمك

يغايب    عجب ما تنهض بثارات امك

تعاتب   قبل فضه تراهي نادت اسمك

ساعة العصره .. صاحت الزهره

يا بو صالح عجل اللهم ثارك

منهدم ركني .. يبني ادركني

حتى و انه بقبري ابقه بأنتظارك

شلتك وسط عيني حلم

يالمهدي و انت المنتقم

يا صـــبر ايــــوب

⁦♦️⁩⁦♦️⁩⁦♦️⁩⁦♦️⁩⁦♦️⁩

وضعها   شسولف عن وضعها و انته اخبر

دمعها    حرت مدري دمع لو لؤلؤ احمر

ضلعها     مثل صوت القوارير التكسر

صفعها        بحيث القرط من عدها تنثر

ما رعوا حدها .. والطموا خدها

حيث ظلت عالوجه اثار اصابع

و الاشد و اكلف .. حيدر مجتف

وصه يصبر عاليشوفه و ما يدافع

علي بوصيته منهزم

يالمهدي و انته المنتقم

يا صـــبر ايــــوب

⁦♦️⁩⁦♦️⁩⁦♦️⁩⁦♦️⁩⁦♦️⁩

تجمهر    ثلث مية رجل قام و تعده

توجر    بديهم بابها و انداس حده

من الجر   اظن الجتف مخلوع شيرده

تصور   بدعائه ترتفع بس ايد وحده

 الزهره تدريها .. جم كسر بيها

يا عظم سالم بقه يوم اعصورها

الباب مستعره .. و لاذت بكتره

خايفه اعله حجابها لا ينظروها

عدها الستر هوه المهم

يالمهدي وانته المنتقم

يا صـــبر ايــــوب

⁦♦️⁩⁦♦️⁩⁦♦️⁩⁦♦️⁩⁦♦️⁩

متنها     يمهدي امن السياط مورمينه

يجنها       لمن شافت وليها مقيدينه

ابحزنها     اطلعت و اتصيح خلو عن ولينه

و اظنها     رادت تندعي تفني المدينه

و العدو بحقده .. امر بعبده

ها يقنفذ شيل سوطك و اعتنيها

الفاطمة نريدك .. برجلك و ايدك

شما الك من حيل قوم و رد عليها

شما للجره عندك علم

يالمهدي وانت المنتقم

يا صـــبر ايــــوب

⁦♦️⁩⁦♦️⁩⁦♦️⁩⁦♦️⁩⁦♦️⁩

تحرك     يمن بدماك غيره هاشميه

اخبرك    تره الناداك مو بس الزجيه

اذكرك    الك صرخه اعله تل الزينبيه

اعله خدرك  لمن غارت خيول ال اميه

من مشت زينب .. و الخيم تلهب

نادتك يا عمه و اهيه اعله الهزيله

ما الي كافل .. عقب ابو فاضل

و الرفع ايده عليّ ايد ثجيله

من سوطه متني ينوسم

يالمهدي و انته المنتقم

يا صـــبر ايــــوب

⁦♦️⁩⁦♦️⁩⁦♦️⁩⁦♦️⁩⁦♦️⁩

دواهي   الزمن دارت عليّ و اندار دمعي

تضاهي   الجبال الراسيات بهذا وضعي

تراهي     الزجيه بالفرج يوميه تدعي

الهي    متى يعود اللي ياخذ ثار ضلعي

عجل بثاره .. وينه فقاره

كون بنيان الكفر تهدم بنائه

تطلب بحيفك .. تحكم بسيفك

و اللي اسس للظلم ياخذ جزاءه

و ابليس لازم ينرجم

يالمهدي و انته المنتقم

يا صـــبر ايــــوب

⁦♦️⁩⁦♦️⁩⁦♦️⁩⁦♦️⁩⁦♦️⁩

المرسل: الأحد, 24 حزيران/يونيو 2018
 
باسم الكربلائي : ياصبر أيوب