Sun20190825


ما تحرق النار

باسم الكربلائي

ما تحرق النار باسم الكربلائي
باسم الكربلائي
لطميات
إجعل هذا الفيدیو في موقعك
128 × 72
240 × 135
480 × 270
640 × 360
عرف
:طول
px
:عرض
px
ما تحرق النار - باسم الكربلائي
تاريخ الاضافة
2018-02-17
المشاهدة
407
المدة
00:07:22
عدد التحميلات
131

نص هذا المقطع

القصيدة : ما تحرك النار

للشاعر : سجاد علاء المحمداوي

المناسبة : الليالي الفاطمية ١٤٣٩

الطور : ماينعرف_راح

ما تحرگ النار ... باب من السمه

والنزل الموت ... صعد فاطمة

▪️▪️▪️▪️▪️

المختار من راح  قالوا نجتمع

و التكتل هواي ما بيهم سبع

واحد على الباب واحد عالضلع

من الزهرة يا حيف نزل دم ودمع

صارت ما تنشاف من كثر الدمه

و النزل الموت صعد فاطمة

▪️▪️▪️▪️▪️

من طقها بالسوط وقع منها الطفل

عذبها بسمار قاتلها قتل

و العصرة بالباب ابد ما تنحمل

حماي الدخيل مقيود بحبل

عالسكتة وصاه رسول المرحمة

و النزل الموت  صعد فاطمة

▪️▪️▪️▪️▪️

ما يشبه البوب  باب ام الحسن

و اليوصل الباب يحس روحه بعدن

شموع السنين و العيون انطفن

بيا حالة بو تراب من لفها بجفن

يشم بيها و يطيح حماي الحمه

و النزل الموت صعد فاطمة

▪️▪️▪️▪️▪️

جا مات ابو حسين من شاف الكسر

و تموت الورود لمن تنعصر

اثمنطعش عام و تنام بقبر

شاف الاصابيع مجوية بجمر

بعيونه دنياه صارت مظلمة

و النزل الموت صعد فاطمة

▪️▪️▪️▪️▪️

دفنوها بالليل فقدوها الصبح

و اولادها جروح و الشامت ملح

من راحت حسين اتحضر للرمح

زينب بعدها تشوف اشكم جرح

و العالمة تنوح لاجل العالمة

و النزل الموت  صعد فاطمة

▪️▪️▪️▪️▪️

صاح الحسن صاح يمه اتعذبت

بعدك جبتي اذبها بالطشت

صاح الها الحسين عايش بس متت

من هسه زينب تقلها اتيسرت

اسهام الايام   دلّال انرمه

و النزل الموت  صعد فاطمة

▪️▪️▪️▪️▪️

يا وحشة البيت لو من ام خلا

و الوادم اتقول وين ام الهلا

حتى الحياطين مثلها مهيلة

كل العصافير وياها مدللة

عالزهرة الجروح حزام محزمة

و النزل المون  صعد فاطمة

▪️▪️▪️▪️▪️

بجفوفه حيدر قبر فاطم حفر

لقبر الزجية ما خلا اثر

وصى الموالين اذا شفتوه ظهر

يعرف قبرها حفيدي المنتظر

و يصير للآل مسك الخاتمة

و النزل الموت  صعد فاطمة

▪️▪️▪️▪️▪️

المرسل: الأحد, 24 حزيران/يونيو 2018