Thu20180920


ما أخاف

باسم الكربلائي

ما أخاف باسم الكربلائي
باسم الكربلائي
لطميات
إجعل هذا الفيدیو في موقعك
128 × 72
240 × 135
480 × 270
640 × 360
عرف
:طول
px
:عرض
px
ما اخاف - باسم الكربلائي
تاريخ الاضافة
2018-02-14
المشاهدة
113
المدة
00:08:31
عدد التحميلات
43

نص هذا المقطع

قصيدة : ما أخاف

للشاعر : حمزة السماوي

 المناسبة : الليالي الفاطمية ١٤٣٩

فقط داخل القصيدة : ناذر_سنيني2

اقرأ_شعاري بسملة_كلامي

ما اخاف.. بالحشر موكب اهالي الجنة قائم

ما اخاف.. عالليالي الفاطمية و عالمآتم

▪️▪️▪️▪️▪️

هذا طبعي و ما ابدل هذا طبعي

الله لا يحرمني من هالخدمة ادعي

انا خايف و اطمأنيت على وضعي

هناك بالجنة مجالس يحيي دمعي

ما اخاف.. الجنة شيعية بفضل دمعات فاطم

ما اخاف..عالليالي الفاطمية و عالمآتم

▪️▪️▪️▪️▪️

مو طمع بالجنة لو خوفا من النار

انا كل فكري بمجالس فاطمة صار

حور عين اشتنفع و ما رايد انهار

عني ترضى فاطمة اجمل خبر صار

ما اخاف.. لو رضت عني الوديعة منّي نادم

ما اخاف..عالليالي الفاطمية و عالمآتم

▪️▪️▪️▪️▪️

فاطمة تناديني ها يبن الشعائر

و على هيئة نور مرتفعة المنابر

قبل كل رادود يصعد يقرأ شاعر

ماكو ايام العمر بالجنة عاشر

ما اخاف.. انا خادم و ابقى عند الزهرة خادم

ما اخاف..عالليالي الفاطمية و عالمآتم

▪️▪️▪️▪️▪️

كل مواكبنا نشوف هناك تلتم

من جماد الاخر لعاشر محرم

كل فجر تطبير عندي و ينزف الدم

لو ردت اسحق جمر اسحق جهنم

ما اخاف..ماكو تشكيك و مخافة لوم لائم

ما اخاف..عالليالي الفاطمية و عالمآتم

▪️▪️▪️▪️▪️

احنه غير حسين يتردد مثيله

بالليالي الفاطمية يصح بديله

احنه غير الزهرة ما عدنا وسيله

و الدموع هواي جفتها ثجيله

ما اخاف.. خذت صك من فاطمة و للجنة عازم

ما اخاف.. عالليالي الفاطمية و عالماتم

▪️▪️▪️▪️▪️

قبل لا اختم كلامي بهالقضية

امنيتي وحدة بهالليالي الفاطمية

كون تطلع روحي في مجلس عزية

حتى اغمض عيني و ابجي عالزجية

ما اخاف.. من بعد هذا الكلام و قلبي عالم

ما اخاف.. عالليالي الفاطمية و عالمآتم

▪️▪️▪️▪️▪️

المرسل: الأحد, 24 حزيران/يونيو 2018
 
باسم الكربلائي : ما أخاف