Tue20181016


يا بو صالح

باسم الكربلائي

يا بو صالح باسم الكربلائي
باسم الكربلائي
لطميات
إجعل هذا الفيدیو في موقعك
128 × 72
240 × 135
480 × 270
640 × 360
عرف
:طول
px
:عرض
px
يا بو صالح - باسم الكربلائي
تاريخ الاضافة
2018-02-13
المشاهدة
147
المدة
00:00:00
عدد التحميلات
25

نص هذا المقطع

قصيدة : يابو صالح كلها تتمنى تشوفك

للشاعر : سيد عبدالخالق المحنة

 ليلة ١٩ جمادى الأول ١٤٣٩هـ البصرة

ودعتهم_غيمة_وتودع_سماها يمته_ثارك

يا بو صالح كلها تتمنه تشوفك

و انته تعلم من يجيك و من يعوفك

و اليصدق بكلامه .... خل يحترم امامه

و انته تعلم

?????

من كثر ما احسب ايام الظهورك

كل صلاة الجمعه اترقب حظورك

اعتذر خاف العتب يجرح شعورك

بس اقلك عظم الباري اجورك

كل حياتك تنتظر و الله اليصبرك

مستعده جنوك و منتظره امرك

و الينتظر علامه .... خل يحترم امامه

و انته تعلم

?????

احنه لو راعي الامر فعلاً نريده

خلي كل واحد يحاسب نفسه بيده

لو نصفي قلوبنه و ندعي بعقيده

من يقلك طلعة المهدي بعيده

تفرح الزهره اذا يطلع ابنها

و احنه فرحتنه اذا طيّب جفنها

و اليحسب القيامه.... خل يحترم امامه

و انته تعلم

?????

غايب و حقك  بعد تزعل علينه

واضح المنكر نشوفه و ما نهينه

كلنه نتحمل ذنب غرق السفينه

ما منعنه اللي كسرها و لا حجينه

بالقيادة كل قاده و اعلميه

و من غرقنه كلمن يقول شعليه

و الرايد احترامه .... خل يحترم امامه

و انته تعلم

?????

و الركب موجه يدورله اعله ساحل

بالمصالح تمتلي دنيانه باطل

يا وسافه ظلوا القله القلائل

و البقية الغالبه ظلت تجامل

و الشعرات الجذب تملي الشوارع

ادري لو يرجع علي ينصبونه تاسع

و الينكر اتهامه .... خل يحترم إمامه

و انته تعلم

?????

لو نغمض العين و الباطل تسيّد

هذي عالزهره اشد من سطرة الخد

جم يتيم الـ يغفه جوعان و تعود

جم يتيمه التلفت ما عدها احد

يا خلق وين الضماير و المراجل

يا صلاة صليتوا من شفتوا الارامل

و اليجرح اليتامه .... خل يحترم امامه

و انته تعلم

?????

قيدوا ايد الوصي و قالوله بايع

جانت الغايه الرأسه و المطامع

الغايه وحده و تختلف بيها المواجع

ردنه نتقدم صفينه بالتراجع

و اليحب الزهره يفديها بوريده

مو يسلم عالشمر و يصافح ايده

لا يحترم مقامه .... خل يحترم امامه

و انته تعلم

?????

و الامر قنفذ يطق زهرة زمانه

لأن قالت لا يهل خنتوا الامانه

هسه تتعدد اساليب الاهانه

و اللفظ كلا يتهموا بالخيانه

ها يغايب نبتلي بكشف الحقايق

و اليقللهم نعم بئس المنافق

و اليكره الندامه .... خل يحترم امامه

و انته تعلم

?????

بأنتظارك سيدي خلص عمرنه

يمته يالمصلح تجي و تصلح امرنه

ما نقلك ارجع وداعة صبرنه

مرحبا نقول و هلا بقائد صبرنه

احنه كلنه بأمرك و رهن الاشارة

يا غيور و ما تحب بس الغياره

و اليدعي بالسلامه .... خل يحترم امامه

و انت تعلم

?????

المرسل: الأحد, 24 حزيران/يونيو 2018
 
باسم الكربلائي : يا بو صالح