من النعش

قصيدة : من النعش

الشاعر : علي السقاي

الرادود : الحاج ملا باسم الكربلائي 

١٤ جمادى الأول ١٤٣٩ _ العاشور

من النعشِّ الى العرشِّ

شُعاعٌ للرؤى يُغشي

******

خلف الحجب تتصاعد رسايل نور

و بـ هالنعش سر النزل عالطور

يندب جسد لاهو امن البشر لا حور

مو بس ضلع خاطر فاطمة مكسور

فَكمْ عْانتْ وَ ما لانتْ   

فًتاةُ الرفِقِ مْن بطشِ

******

بكبره العرش مو اكبر من المأساة

يبجي و بجت كل الما وراه ايات

نعش انتظر ليل البي عيون تبات

عن لا يجي الدفنتها هبل و اللات

فًهلْ تُكْسرْ وَ قَدْ حَذّرْ 

الهُ الدُرِ مْن خًدشِ

******

يا للاسف يا للهفه و الحسره

الخيط انقطع من تسبيحة الزهره

بمسرة النعش سبحان الذي اسرى

شبه الشمس حيدر شيع القمره

وَ مَنْ يُرجَى لَدَى الهَيجَا 

كَسِيراً حَافِياً يَمْشِي

******

شويه المشوا لو محسوبه هالوادم

بس جم ملك دربه الليلة متزاحم

دفن الطهر واجب محظره و لازم

الكل مُنيته  لو يفدي ضلع فاطم

مُنن تُهدى وَ لَنْ تُفدًى  

فًمَا لِلطُهرِ من كبشِ

******

يتمتم علي و الصوب السمه عيناه

جان النبي لو جان الله يحجي وياه

قدر الوصي اعظم من كليم الله

هذا القبر من سيناء اعطم جاه

وَ مَنْ فِيهِ تُزَكِيهِ

فيًّا عَيّنَ العُلَا رُشِ

******

اي و الذي سره بأمرأة استودع

من تندفن جوهرة القدس ترجع

عن معتقد لا ما تبقى بالمضجع

عيسى انرفع قطعاً فاطمة تُرفع

هِي الزَهرا وَ لَنْ تُدْرى

وَ رَبُ السِرِ لا يُفْشي

******

شق اللحد محور عالم الأمكان

و استٌرجعت لمن واره هالجثمان

 هذا علي صار بهالسنه دفّان

حسين و حسن كل منهم وقع قرآن

وَ ذا طه تَلَقاها

فَرَّفَ النُورُ للعُشِ

⁦