Tue20180821


سجلي يا ذاكرة

باسم الكربلائي

سجلي يا ذاكرة باسم الكربلائي
باسم الكربلائي
لطميات
إجعل هذا الفيدیو في موقعك
128 × 72
240 × 135
480 × 270
640 × 360
عرف
:طول
px
:عرض
px
سجلي يا ذاكرة - باسم الكربلائي
تاريخ الاضافة
2018-02-12
المشاهدة
242
المدة
00:10:22
عدد التحميلات
37

نص هذا المقطع

قصيدة : سجلي يا ذاكرة

للشاعر : السيد رفعت الصافي

 طور : اخت_القمر

 ليلة ١٦ جمادى الأول ١٤٣٩هـ _ الفاو

سجلي يا ذاكره  امي اول مره

اجوها ولوها  بغضا بحيدره

?????

اني ابنها حسين و احجيلج عليها

امي من دفنوها مكسورات اديها

يا عظم من الشقف ظل صاحي بيها

خضر تراب القبر من قد بجيها

سجلي ليش الورد يندفن باللحد

شقاها و رباها يصفي للمقبره

?????

ما شبعت امن امي شوف شلون حيرة

بس احسها تخصني نظرتها الاخيرة

بيها اسمعه يشتم الما عنده غيرة

ماتت مشيبة رغم كانت زغيره

منبع العاطفة امي رب الوفه

شعظمها بكرمها بالهله امبخره

?????

غرفة غرفة تلمست حيطان بيتي

بلكي ظل منها نفس تشتمها ريتي

ليش يا شمعه حياة امي طفيتي

يا حظن يسندني من توصل منيتي

شوفة الام دوه  اغلى من الهوه

لبنها  جفنها  ما يقف لو جره

?????

كون الف ذبحة انذبح بالغاضريه

و لا اشوفن دمعه وحده امن الزجيه

بكل زوايا الدار اشم ريحة منيه

الماتت امه شلون يقضي المغربيه

حيرة اهز يا جذع خاطر اشفي الضلع

ذكرها و عطرها بالعمر ينشره

?????

تنهضم كل امرأة لو زعلوها

تبجي و اول ما يجي اعله البال ابوها

الزهره صاحت بويه وينك من ولوها

ما حظر يمها ووره الباب اعصروها

اتكفنت فاطمه بوصله من السمه

تقية نقية  ماتت امكدره

?????

امي جانت تزرع القاع ابتسامه

تقول اهم شي عندي ضحكات اليتامه

يا الهي بجاه مسلوب الامامه

الخاطر الزهراء قربلنه القيامه

احنه و أهل الغدر نلتقي بالحشر

نشلهم  نذلهم  ماكو أي مغفره

?????

ال الله باجر تشتكي الزهره الشريفه

تنفضح كل النفوس المو نظيفه

اهناكه واحدهم جهنهم ما تضيفه

تصيح ما اتشرف بأهل السقيفه

تهتف القارعه  قامت الواقعه

مآتم لفاطم  بالعرش تنقره

?????

حيدر الله يصبره عالصار و يعينه

صاروا يدفعون ام بيته الحنينه

و الله لو ما بالوصيه مقيدنه

بنص دقيقة يقلع الدنيه بيمينه

مو سهل ينولي و اني اعرف علي

مناره  فقاره  تشهد القنطره

?????

المرسل: الإثنين, 25 حزيران/يونيو 2018
 
باسم الكربلائي : سجلي يا ذاكرة