Fri20190215


امرأة من نور

باسم الكربلائي

امرأة من نور باسم الكربلائي
باسم الكربلائي
لطميات
إجعل هذا الفيدیو في موقعك
128 × 72
240 × 135
480 × 270
640 × 360
عرف
:طول
px
:عرض
px
امراة من نور - باسم الكربلائي
تاريخ الاضافة
2018-02-12
المشاهدة
461
المدة
00:16:28
عدد التحميلات
116

نص هذا المقطع

قصيدة : امرأة من نور

للشاعر : سيد عبدالخالق المحنة

المستهل : ياضوه_القمره

١٤ جمادى الأول ١٤٣٩ _ العاشور

امرأة من نور   بالطفوف اتزور

ملكت احساسي وشعوري مِن شِفتها

هي انسية   هي حورية

انتي من هي العظيمة ناشدتها

إِذا ردت تعرف خبر

انا انا الضلعي انكسر

امرأة من نور

⁦♦️⁩⁦♦️⁩⁦♦️⁩⁦♦️⁩⁦♦️⁩

عظيمة , شفتها بالمنام و انه انعه

ثقيلة , خطاها من مشت كل خطوة دمعه

اعاين , ظهرها منحني و الون اسمعه

تنادي , اجيتك يالعزيز الليلة جمعه

هي شافتني ....  ادري عرفتني

و اركضت ليها ابدموعي و قابلتها

زينب الحره .... يمكن الزهره

وحده منهن لا محال تصورتها

صاحت انه مضيعه قمر

انا انا الضلعي انكسر

إمرأه من نور

⁦♦️⁩⁦♦️⁩⁦♦️⁩⁦♦️⁩⁦♦️⁩

اذا هي , العقيلة انه اعرفها امن اديها

اميز , اثرهن و الحبال امأثره بيها

بالاوصاف , تشابه للذي فقدت وليها

قراري , النهائي اتيقنت هاي ام ابيها

جاوبت و انحب ... هذي مو زينب

ما شفت بيها علامات السبيه

يا دموع العين ... هذي ام خسين

أتاكدت بيها ملامح للزجيه

نعم نعم بيها اثر

انا انا الضلعي انكسر

امرأه من نور

⁦♦️⁩⁦♦️⁩⁦♦️⁩⁦♦️⁩⁦♦️⁩

رجائي , تجيبين اعله اسألتي يحره

سؤالي , جفوفج بيها جويه و بيها كسره

يفاطم , علامج عالوجه مطبوعه سطره

عجيبه , غريبه هاذي عيبنج لسه حمره

بابج المدفوع ... كله من جذوع

و انتي بين و الحايط و قفتي

و العدو بأصرار ... ثبت البسمار

لهالسبب مغمي عليج و ما وقعتي

بقه يون حتى الحجر

انا انا الضلعي انكسر

إمرأة من نور

⁦♦️⁩⁦♦️⁩⁦♦️⁩⁦♦️⁩⁦♦️⁩

يويلي , طويلة القصة و ايامج قصيرة

وساقه , رموشج شيبت و انتي زغيره

اعاتب , واناشد عالضياغم و العسيرة

صبرهم , و لا جن بت محمدهم اسيره

من وقع محسن .... و الضلوع تون

انتي ما صحتي علي صحتي يفضه

فضه لزمني .... لا علي يجيني

خفتي ينفل الفقار و هي لحظة

علي علي شاف و صبر

انا انا الضلعي انكسر

امرأة من نور

⁦♦️⁩⁦♦️⁩⁦♦️⁩⁦♦️⁩⁦♦️⁩

اخيراً , تقلي يالتناشد خذ جوابي

اعلمك , تراني الشيبت و بعز شبابي

اني اللي , اجوني و اني كل همي حجابي

الجذوع , ثقيله  و بحقد دفعوها بابي

هذا يعصرني .... و ذاك يسطرني

و اشقف بأيدي و انادي يا محمد

هذا ألمني .... ذاك شتمني

التفت يمنه و يسار و ماكو احد

طحت صحت وين المفر

انا انا الضلعي انكسر

امرأة من نور

⁦♦️⁩⁦♦️⁩⁦♦️⁩⁦♦️⁩⁦♦️⁩

اخيرا , يشاعر هالحلم صيغه ابقصيدة

توضح , مصابي عالوجه مطبوعه ايده

تقلهم , يتيمه الزهره و العصره اكيده

ردتكم , تزوروني تره اني وحيده

مو نفذ صبري .... مختفي قبري

ما شفت منكم زيارة و لا مواكب

اني اتنطر .... شيعتي تحضر

عالدرب مشبوحه عيني بس اراقب

اله اجر كلمن حضر

انا انا الضلعي انكسر

امرأة من نور

⁦♦️⁩⁦♦️⁩⁦♦️⁩⁦♦️⁩⁦♦️⁩

يعالم , تراني فاطمة الازرق جفنها

حزينه , لحد يوم الحشر يبقه حزنها

يشيعه , نفس ثوب العرس لفوا جفنها

و الأصعب , اني اللي عالنهر مذبوح ابنها

اني سلبوني ... اني ذبحوني

اني وي زينب شفت حرقة خيامي

قطعوا وريدي .... انه ووليدي

اني عطشانه و اصيحن ابني ظامي

ظمه ظمه يم النهر

انا انا الضلعي انكسر 

امرأة من نور

⁦♦️⁩⁦♦️⁩⁦♦️⁩⁦♦️⁩⁦♦️⁩

وسافه , صحيت امن الحلم واصرخ هظيمه

و اعاين , عالباب و تصورت الجريمه

عليمن , تهجمون و تعصرون اليتيمه

ضعيفه , رقيقة و صفعت الحاقد اليمه

انتحب و ادعي .... ينكسر ضلعي

 حتى احس ابونة الكسروا ضلعها

و ادعي يا فاطم .... يظهر القائم

حتى انظر قطعت الجف الصفعها

مته مته طال السفر

انا انا الضلعي انكسر

امرأة من نور

⁦♦️⁩⁦♦️⁩⁦♦️⁩⁦♦️⁩⁦♦️⁩

المرسل: الإثنين, 25 حزيران/يونيو 2018
 
باسم الكربلائي : امرأة من نور