Thu20180920


باب الأحزان

باسم الكربلائي

باب الأحزان باسم الكربلائي
باسم الكربلائي
لطميات
إجعل هذا الفيدیو في موقعك
128 × 72
240 × 135
480 × 270
640 × 360
عرف
:طول
px
:عرض
px
باب الاحزان - باسم الكربلائي
تاريخ الاضافة
2018-02-12
المشاهدة
121
المدة
00:11:46
عدد التحميلات
45

نص هذا المقطع

قصيدة : باب الأحزان

للشاعر : ناظم الحاشي

 طور : أسألك_يقلبي_وين_الاحباب

 ليلة ١٧ جمادى الأول ١٤٣٩هـ _ الفاو

نصحتك قلتلك باب الاحزان

احذرك تحرقه هذا قرآن

منزلة بسابع سمه  باب كعبة فاطمة

▪️⁩⁦▪️⁩⁦▪️⁩⁦▪️⁩⁦▪️⁩

باب و ما ترد جفين سائها

من يتعب محمد يقعد بظلها

هاي الباب بيت الرب يمثلها

من تشعلها يعني الكعبة تشعلها

غرورك عدائك كلهن اسباب

مطامع   دوافع حرقن الباب

ضدها نارك مضرمه

باب كعبة فاطمة

باب الاحزان

▪️⁩⁦▪️⁩⁦▪️⁩⁦▪️⁩⁦▪️⁩

قسم لو ما الوصيه و أمر والدها

ايدك عالزجيه شحدك تمدها

العدها من ابوها و من علي العدها

حتى الشمس تقدر فاطمة تردها

صبورة شهيده حقها مغصوب

ملكها ورثها كله منهوب

بيد ناس الظالمه

باب كعبة فاطمة

باب الاحزان

▪️⁩⁦▪️⁩⁦▪️⁩⁦▪️⁩⁦▪️⁩

اذا باب الزجيه اعيونّه تنظره

نلقه بكل مكان جفوف للفقره

نشم عطر النبوه من نشم عطره

و الهذا السبب دفعوه على الزهره

نشاهد عليها بصمة ابهام

اصابع و أيادي جف الايتام

من وراك ميتمه

باب كعبة فاطمة

باب الاحزان

▪️⁩⁦▪️⁩⁦▪️⁩⁦▪️⁩⁦▪️⁩

شلون تروح هاي الباب تحرقها

اصابع جف محمد جانت تدقها

ليش بنار غدرك هيجي لاحقها

حتى الريح جان يخاف يطبقها

إلهك جعلها رحمة للناس

اثرها خشبها كله ينباس

مو تحرقه و تهدمه

باب كعبة فاطمة

باب الاحزان

▪️⁩⁦▪️⁩⁦▪️⁩⁦▪️⁩⁦▪️⁩

الشمس تاخذ إذن من تطب ليها

و علي الكرار يخجل من يحاجيها

الزهره اليرضي رب الكون يرضيها

و انته تروح تضربها و تبجيها

حسابك عقابك تالي للنار

يقاتل يغادر بنت الابرار

تصدرت بالقائمه

باب كعبة فاطمة

باب الاحزان

▪️⁩⁦▪️⁩⁦▪️⁩⁦▪️⁩⁦▪️⁩

رغم ما طيحت بالباب محسنها

حجاب الراس فاطم ما وقع منها

اجاها الموت بيدك من زغر سنها

بعد حضن الرسول القاع تحضنها

عمرها بربيعه و الوجه نور

اجاها و اخذها تراب القبور

و اشتكه الحامي الحمه

باب كعبة فاطمة

باب الاحزان

▪️⁩⁦▪️⁩⁦▪️⁩⁦▪️⁩⁦▪️⁩

بدل مَـتحني باب الزهره بالحنه

تحرقه و ضد محمد تنتقم منه

لولاك و قضيتك هاي ما چنه

اليوم بألف راي و نختلف كلنه

و لا جن سمعنه كسر الضلوع

و لا اظن بجينه الفاطمه دموع

و لا صدور مهشمه

باب كعبة فاطمة

باب الاحزان

▪️⁩⁦▪️⁩⁦▪️⁩⁦▪️⁩⁦▪️⁩

من ايدك جزاء الصار و الشفته

و المثلك اكيد النار منزلته

الحارب عترة اهل البيت عاقبته

يخسر دنيته و خسران آخرته

جزائك جهنم هذا تاليك

خصيمك محمد من يبريك

محسن يطلبك دمه

باب كعبة فاطمة

باب الاحزان⁦

▪️⁩⁦▪️⁩⁦▪️⁩⁦▪️⁩⁦▪️⁩

المرسل: الإثنين, 25 حزيران/يونيو 2018
 
باسم الكربلائي : باب الأحزان