Fri20190222


اكتب على باب الوصي

باسم الكربلائي

اكتب على باب الوصي باسم الكربلائي
باسم الكربلائي
لطميات
إجعل هذا الفيدیو في موقعك
128 × 72
240 × 135
480 × 270
640 × 360
عرف
:طول
px
:عرض
px
اكتب علي باب الوصي - باسم الكربلائي
تاريخ الاضافة
2017-12-23
المشاهدة
529
المدة
00:10:35
عدد التحميلات
66

نص هذا المقطع

قصيدة : اكتب على باب الوصي
للشاعر : سيد عبدالخالق المحنة | بغداد

اكتب على باب الوصي لا تنسوا الوصية
كــــــــل غايتي بوّصيتي لا تاذوا الزچية
قلهم بعد الغياب .. وينه اليحرق الباب
◾️◾️◾️◾️◾️
يابو الأُمة ترى الأمَّة خِيانتها أكيده
يرد كل شي إلى أصله منابتهم عنيده
أهل دِنيّة وعقوبتهم يشوفوها بعيده
حقد يبرد مخالبهم وأهل بيتك طريده
قالوا هُبل لازِم يِرد أربَاب الخِيانة
عندك علم وانت عدل خانوها الأمانة
ما يِسْوُون العتاب .. وينه اليحرق الباب
◾️◾️◾️◾️◾️
تِوصيهم على حيدر وَ هُو أغلى الغَوالي
علي نفسي , علي آنِي , علي هُوَّه بِدالي
يعرفوها ويحرفوها حِقد عِدهم خَيالي
لحد هسه اليِّحب حيدر يِسمونه مغالي
أول رغم , أنف اليضد , من الله ارتفاعه
والمارضوا , خير العمل , لايرجوا الشفاعه
حيدر هُوَّه الكتاب .. وينه اليحرق الباب
◾️◾️◾️◾️◾️
رِدِتْ مِنهم قَلم تكتب يَبُو رُوح الحنينه
تِحَذّرهم تِعَلّمهم , عَلي هُوَّه السفينه
لَچِن خَصمك أشد كُفْرا إلك ناصب كمينه
رَفع صُوته وَ هُو القائل ترى يهجر نبينه
يعني الحَطب جاهز ومِجهزه العصابه
مهما قِلِت ياسيدي مَعروفه الاجابه
بيتك بيت الأطياب , وينه اليحرق الباب
◾️◾️◾️◾️◾️
عُقب تَعْبَك وإخلاصك يبو النفس الكريمه
يجازونك بعد موتك عصابات الجريمه
ولا شكرا ولا حسره ولا كلمة هضيمه
شجاعتهم حرق بابك كَسِر ضِلع اليتيمه
باب الذي باسَه الوحي دِفعوه عالوديعه
اول سهم صاب العرش وأحكام الشريعه
يصرخ دمع الحجاب .. وينه اليحرق الباب
◾️◾️◾️◾️◾️
قلت ماكو نبي قبلي حِمل مثلي مصيبة
إذاً قصدك بعد موتك يفجعون الحبيبة
يبو الدنية عفت بنتك بعد عينك غريبة
اذا ترحل يبو الزهرة منيتها قريبة
خل تنكتب فوق الجرح هالكلمة المفيدة
لا ما متت إسْتَشْهَدِت والبضعة شهيدة
نعرف كل الأسباب .. وينه اليحرگ الباب
◾️◾️◾️◾️◾️
رِحِت انت و بُقى حيدر حِمل نفس المراره
ولا چَنْهُم أهل بِيتك صُفَوا چَنْهُم أَسارَى
نعم حتى مُحبيكم يِكَفروهم جَهارى
لأن عُرْفَوا هَوَه الشيعة فقط هُمَّه الغياره
شيعة علي طول الزمن أصحاب القضية
يسقط هُبل والناصبة ، تَحْيَى الرافضية
احْنه نصفي الحساب..وينه اليحرق الباب
◾️◾️◾️◾️◾️
رِدِتْ مِنَّك تِشوف ابنك تِجي ساعة مماته
أبو اليِّمه انذبح ضامي شِبَح عِينه لْفُراتَه
على نحره إلك قبله بُقت تُوحي لْغَلاتَه
رُمُح عالي رَفع راسه ، إِلَه تنظر بناته
هذا الذي تشتاق إِلَه و بنحره تبوسه
ريتك شفت قطع النحر والخيل التدوسه
جسمه من الشمس ذاب وينه اليحرق الباب

المرسل: الخميس, 18 كانون2/يناير 2018
 
باسم الكربلائي : اكتب على باب الوصي