Thu20190919


على التوالي

باسم الكربلائي

على التوالي باسم الكربلائي
باسم الكربلائي
لطميات
إجعل هذا الفيدیو في موقعك
128 × 72
240 × 135
480 × 270
640 × 360
عرف
:طول
px
:عرض
px
علي التوالي - باسم الكربلائي
تاريخ الاضافة
2017-12-21
المشاهدة
915
المدة
00:00:00
عدد التحميلات
131

نص هذا المقطع

قصيدة : على التوالي
الشاعر : حاتم صبري الكاظمي
 المناسبة: شهادة الامام الحسن|النجف
ليلة 10 صفر 1439 هيئة الزهراء(س)

على التوالي كل سنة اعتني لك
شكرا لأنْ زاير قبلت أجي لك
◾️◾️◾️◾️◾️
بالبدء أشكر صاحب الخنصر
حسين يا منهاجي
الله وفقني جيت مِتعني
يالخدمتك باجي
شوگ دمعاتي مصحف آهاتي
لكربلاء معراجي
بأربعينيتك جاي أحج بيتك
يالمحبتك تاجي
يالشالك الرمح عشگ أشيلك
شكرا لأن زاير قبلت أجي لك
◾️◾️◾️◾️◾️
هجرت كل غالي جاي ما بالي
كل خطر و اسبابه
كاشخ بنوحي معطف جروحي
مكتسب جلبابك
عالم شكبرك جنتي گبرك
دمعي يرسم بابك
مايه ماي زمزم ريحة الله اشتم
من أشم ترابك
يا واحد و لا لم يكن مثيلك
شكرا لأن زاير قبلت أجي لك
◾️◾️◾️◾️◾️
دنيا تاخذني وانت تجذبني
بطيبك الماليني
بعد حب ربك مكتفي بحبك
بيك أكمل ديني
دمعتي البيّه كربلائية
ما تفارگ عيني
كعبتك محتاج وبمقام الحاج
زاير مسميني
أكبر من الدنيا شفت قليلك
شكرا لأن زاير قبلت أجي لك
◾️◾️◾️◾️◾️
أنا ممنونك صرت مجنونك
ما يهمني العاذل
شما طَول دربي راحتي بتعبي
بالمشي متواصل
صارخ بصوتي ما يهم موتي
سيدي تستاهل
بالفدة زنده بوجه كل شدة
صحت يا بوفاضل
إنت العشگ يالما يجي بديلك
شكرا لأن زاير قبلت أجي لك
◾️◾️◾️◾️◾️
إنت شاريني كتاب قاريني
وتعرف بأسراري
بيك شتمنى حتى لو جنة
گلي هاك الباري
أعمى أندلك گلبي يوصل لك
بقافية أشعاري
بحبك الأوجه بالعشگ أشبه
جابر الأنصاري
بأقصى الأرض واشتم عطر خميلك
شكرا لأن زاير قبلت أجي لك
◾️◾️◾️◾️◾️
أخبر الصادق أنزل الرازق
چم ملك ذو قدرة
يبچي عالمنحر أشعثٍ أغبر
إلك وكّل أمره
الزارك أوصل له زار عرش الله
الله ينطي أجره
عارفٍ حقه انكتبت بحقه
ألف حجة و عمرة
ثوب الحزن أتشرف أرتدي لك
شكرا لأن زاير قبلت أجي لك

المرسل: الإثنين, 22 كانون2/يناير 2018