قصيدة : يا هلا بالمشاية
الشاعر : عمار هليل الواسطي
 المناسبة:شهادة الامام الحسن|النجف
ليلة 11 صفر 1439 هيئة الزهراء(س)
? طور : #أريد_ابشاره

بالعيون على الراس يا هله بالمشايه
*****
ثورة العشاق طلعت ربنه هُوّه يعينها
أعلنت ساعة صفرها أربعين حسينها
بين أبو الأكبر تواصلها الغرام وبينها
فزعه للمظلوم راحت حتى تُوفِي بدينها
ملايين موالين راية تساعد راية
*****
حيرت كل العقول ومنهو مايتعجب
تعبت كل الاعادي و هي ابد ماتتعب
تنصر الدين بمشيها ونصرةً للمذهب
تروح تتلقى العقيلة تصيح آه يازينب
نواسيج نوافيج يام عون وانتي الغايه
*****
سفرة معمورة وكريمه وخير ربك كله
زاد الحِسين شحلاته بِي شفاء العله
من مُضيف الحسن هذا والكرم ينْدّله
وحَدّت كل المشاعر للكريم اتگِله
طبع بيك يخليك تكرم الضيف بهَايه
*****
والنعم من المواكب بالمحب تتبارك
تطلب من حسين بلكت بالأجر تتشارك
اتگله ياروح الزچية احسبنه من زوارك
كلنه عد عيناه يأمر من يجي خطارك
بالقلوب يمحبوب زوارك الوفايّه
*****
أربعين حسين وحّد كل شتات الأمه
كل الأطياف اعله دربه بالعزم والهمه
كل الأعمار ونداها يقول يابو اليمه
هنا طفل وهناك شايب والشباب اتخدمه
عهد دام والاعوام وحسين دگ الثَايه
*****
والله رفعة راس بيكم والنعم من عدكم
مايفرقكم الحاقد والسبط يجمعكم
حاضر المهدي ويباصر هالمشي ويسمعكم
ياهله وقواكم الله والقلب يوسعكم
ميامين محبين طول الدرب ويايّه
*****
كربله بيكم تفاخر ظلت المعمورة
حسين ماينسى تعبكم عنده كل الصوره
كل جِدَم تِسعى بطريقه عالتعب مشكوره
هاي خطوات الجنان وبالسند مذكوره
عشق صار والاحرار من اسمك مسمايّه
*****
 أبوذيات لسيد عبدالخالق المحنة

هاي الرايه من تنشال
تتقدم المشايه
مسيره للتحدي تصير
وتبيّن الوفايه
شنهو يقول ابو فاضل
من ايشاهد الرايه
هالرايه ابرايه اتلقاها
*****
يبدي القلق بالعدوان
مسيرتنا اذا تبدي
جحافل تملي وجه القاع
بيها المنتظر يحدي
وبعين البصيرة نشوف
ويانه مشى المهدي
من يسمع هوسه يشيل ايده

تعليقات

لإرسال تعليق یجب أن تسجل في الموقع

مقاطع فيديو

more_horiz

مقالات المرتبطة

آخر الصوتيات المضافة

آخر المرئيات المضافة

  • 2.00x
  • 1.50x
  • 1.00x
  • 0.75x