Thu20210506


كل خطوة مرتين

باسم الكربلائي

كل خطوة مرتين باسم الكربلائي
باسم الكربلائي
لطميات
إجعل هذا الفيدیو في موقعك
128 × 72
240 × 135
480 × 270
640 × 360
عرف
:طول
px
:عرض
px
كل خطوة مرتين - باسم الكربلائي
تاريخ الاضافة
2017-11-13
المشاهدة
1209
المدة
00:12:00
عدد التحميلات
296

نص هذا المقطع

قصيدة : كل خطوة مرتين
الشاعر : سيد عبدالخالق المحنة
 المناسبة : شهادة الامام الحسن|النجف
الرادود : الحاج ملا باسم الکربلائي

كل خطوة مرتين ، لبيك يا حُسين
طول الدرب نبض القلب لبيك ياحُسين
******
كل خطوة أمشي الكربله محسوبه
خطوة حبيب ويلتقي بمحبوبه
حبك حقيقه وما عداها أكذوبه
يوسف كأني ويركض لمحبوبه
أنفاسي والشهيق تسبيحة الطريق
دمعي يصب نبض القلب لبيك ياحسين
******
من أمشي أشعر تنظر وتراقب
لليمشي مره ومره عالمواكب
ضجة حجيج وتجمع المذاهب
وانت تنادي يا هَله ومراحب
كل ممشه كل مكان نستشعر الامان
ماكو صعب نبض القلب لبيك ياحسين
******
يتنافسون بهالدرب أحبابك
والفائز أول واحد يدگ بابك
حملوا مشقات وسهر أحبابك
صاح بشرف صار الـ يبوس ترابك
عاهدنه يالذبيح والراية ماتطيح
أهل الحرب نبض الگلب لبيك ياحسين
******
علّمنا كل العالم بممشانه
چم دوله هسه وچم علم ويانه
شافوا كرمنا و الهَله بملگانه
تسقط أمية وتحيى كربلانه
من تكثر الضيوف تتوسع الطفوف
نقرا الكتب نبض القلب لبيك ياحسين
******
كل شي بطريقك معجزة وأتحير
ماشفنا واحد عاجز ويتعذر
لو كل بني آدم إلـ طّفك تحضر
أهل المواكب مستعده وأكثر
بالممشه معجزات تتعدد اللغات
شرق وغرب نبض القلب لبيك ياحسين
******
بعض المناطق محد يظل بيها
مشايه اهلها وربك اليحميها
هاي الليالي هوايه منتظريها
يوم أربعينك ملحمة نسويها
نستقبل بحنين زينب بالاربعين
من الغرب نبض القلب لبيك ياحسين
******
زينب إذا تنظر على المشايه
تمسح دمعها من تشوف الرايه
وحنا نهوس يمها بس حچايه
وفايه يازينب نظل وفايه
لو احنه بالوجود ماتوقع الزنود
خل تنگلب نبض الگلب لبيك ياحسين
******7
جف الطريق وينتظر هالدمعه
كل خطوة وردة وبالخَضَار إنزرعه
واليتعب إنْگله وَسَف ونشجعه
حتى التراب يصيح امشي بسرعه
لَتأخر اللقاء منتظره كربلاء
سرعة شُغُب نبض القلب لبيك ياحسين

المرسل: الأربعاء, 14 نيسان/أبريل 2021