قصيدة : طبعي ما أجامل مكتوبة
للشاعر المبدع : حمزة السماوي
المناسبة : شهادة الامام الجواد _ بغداد
الرادود : الحاج ملا باسم الكربلائي
ليلة ٢٧ ذي القعده ١٤٣٨ جامع علي باشا
طبعي ما اجامل عابر المراحل
واضح العقيده وبجنوني عاقل
******
بالجواد ومن رحاب الكاظميه
للامام المنتضر ارفع قضيه
بكلمه نكطع كل نزاع الطائفيه
ويه آل الزهره لو وي آل اميه
ثابت اختياري وعايش افتخاري
بشده وبرخاوه لحظه ما انازل
******
بعشره ابصم واقسم بصحن الجوادين
لون سيف ابركبتي ما انطي بحسين
عن محمد وآله ابد ما ترمش العين
وحب علي ما يقبل القسمه عله اثنين
بالعزه بكائي وبالحرب فدائي
تربية محرم امصاحب المراجل
******
مذهبي واخلاق وايماني الشعائر
واليجامل بيهه متفيده المظاهر
لون اسكت جم سقيفه اتصير باجر
والسكوت اليكسر اضلوع المنابر
واضحه الحقيقه وكلمن بطريقه
جاهل اليضدني ليش اضل اجادل
******
١٣ معصوم من اجلي ضحايه
شلون اجازيهم احتار بكل نهايه
لون كل العالم ايصير بورايه
ابقه شايل ياحسين بچفي رايه
ما يغرني منصب بدمي لازم اكتب
وياحسين انادي وبالعهد اواصل
******
وين راح الما وفه لهاي السفينه
الما عرف آل النبي ما عرف دينه
وينه وينه المعتصم دلونه وينه
وشوفو صحن الما حضر واحد يعينه
تحكم الوقائع وطيبة المراضع
بالاصل اكيده ايبين التفاضل
******
عنصري سموني چي بالحق اطالب
ومنبري علمني اجل كل المذاهب
بس اذا توصل حسيني والمواكب
من الصبح ما يبقه شي اسمه النواصب
بفتوة حيدريه وغيره رافضيه
بالنجف قياده كلشي الهه حاصل
play_arrow
play_arrow
play_arrow
play_arrow
play_arrow
play_arrow
تعليقات