Thu20181213


ظهري باجر ينكسر

باسم الكربلائي

ظهري باجر ينكسر باسم الكربلائي
باسم الكربلائي
لطميات
إجعل هذا الفيدیو في موقعك
128 × 72
240 × 135
480 × 270
640 × 360
عرف
:طول
px
:عرض
px
ظهري باجر ينكسر - باسم الكربلائي
تاريخ الاضافة
2017-11-01
المشاهدة
1156
المدة
00:06:12
عدد التحميلات
91

نص هذا المقطع

قصيدة : ظهري باجر ينكسر

للشاعر الموفق : سليم الغزالي

 طور : ساعة_خلوني_لاتشيعوني

 ليلة ١٠ محرم ١٤٣٩ العاشور

ليلة العاشر .. كلشي ظل حاير

ظهري باچر ينكسر

⁦▪️⁩⁦▪️⁩⁦▪️⁩⁦▪️⁩⁦▪️⁩

ليله ماتشبها ليله

الليله متروسه حزن

الليله عرش الله اسمعه

من الموادع يوّن

بيها وجه الخوف دمعه

تزاعلت وي الجفن

ليلة العاشر مصيبه

تسحن بگلبي سحن

ليلة الفرگه .. جفني ماطبگه

ظهري باجر ينكسر

⁦▪️⁩⁦▪️⁩⁦▪️⁩⁦▪️⁩⁦▪️⁩

هاكم علوم المدامع

والمعاتب والسهر

كلشي يتحرك الليله

صافن بوجهه الدهر

الليله بيها مصحف الله

يودع آيات وسور

ريت مو باچر الليله

گبري بچفوفي انحفر

آنه بت حيدر .. باچر اتعثر

ظهري باچر ينكسر

⁦▪️⁩⁦▪️⁩⁦▪️⁩⁦▪️⁩⁦▪️⁩

مبارك العريس كافي

كافي لتگُلوله

باچر القاسم نزفه

بدمعه مو هلهوله

چني اشوفنها السيوف

تغازلت وي طوله

ياسيوف بكل مسيه

ذمتچ مشكوله

قدوة الشُبان .. بالرمح عطشان

ظهري باچر ينكسر

⁦▪️⁩⁦▪️⁩⁦▪️⁩⁦▪️⁩⁦▪️⁩

الليله ليلى تودع ابنها

بالمدامع تحتفي

و ابتسامات المشاعر

من وجهها تختفي

باچر من يروح ابنها

باللطم ما تكتفي

تصير من الحشر جمره

للحشر ماتنطفي

تجذب بإيدي .. رايده وليدي

ظهري باچر ينكسر

⁦▪️⁩⁦▪️⁩⁦▪️⁩⁦▪️⁩⁦▪️⁩

الليله يم خيمة اخويه

دموعي كلها ابچيها

التوه من بعد ابو فاضل

كل طعم مابيها

لاگت عليه الكفاله

وهوّه لاگ اعليها

ارد اگله من تروح

الحره من يحميها

لو وگع چفه .. اوگع بصفه

ظهري باچر ينكسر

⁦▪️⁩⁦▪️⁩⁦▪️⁩⁦▪️⁩⁦▪️⁩

بخيمة القران سكنه

تقرا برسوم النحر

شلون لو باچر تشوف

المنحر بسيف انطبر

العالم بساعتها يصفر

والقدر يرثي القدر

و وردة الدنيا رقيه

تصير دمعه من القهر

وردة ايامي .. تموت گدامي

ظهري باچر ينكسر

⁦▪️⁩⁦▪️⁩⁦▪️⁩⁦▪️⁩⁦▪️⁩

الليله وجه الدنيا خايف

والسما تسولف تعب

يمكن الليله التجينه

احلى من هسه التعب

لا أخو لا خيمه عدي

باچر يصير العجب

الف يا وسفه التراب

يدمر خدود الذهب

الطم اعله التل .. مأتم المقتل

ظهري  ينكسر

▪️⁩⁦▪️⁩⁦▪️⁩⁦▪️⁩⁦▪️⁩

المرسل: الأربعاء, 27 حزيران/يونيو 2018
 
باسم الكربلائي : ظهري باجر ينكسر