قصيدة : يا حي الله الأكبر
الشاعر : حاتم صبري الكربلائي
المناسبة : ليلة ٩ محرم ١٤٣٩ العاشور
ملك الموت سيفه خلاها اعله كيفه
ياحي الله الاكبر ياحي الله الاكبر
?????
مو أسطوره احچيلك ولا أحجي حكايه
أروي عن فتى من العرش نزلت له رايه
سيفه لو كشخ بالنايبه بوكت المنايه
عزرائيل يبقه يحسب شگد الضحايه
عزرائيل ضيفه خلاها على كيفه
?????
گالو للشمر الاكبر نزل و اعلينه قادم
لف راسه وشرد للخيمه سوه روحه نايم
يعادل مية ألف يا ناس واحد من هواشم
هوّه الأسد ندري بيه يخلف بس ضياغم
بالكرار طيفه خلاها اعله كيفه
?????
هندسة الحرايب سيفه يرسم بالمخطط
صدر الغاضريه وعالفريسه بهجمته حط
شجابه بكر ابن غانم هجم والله تورط
صف العلگمي سوه الأميه من الدمه شط
ضرباته العنيفه خلاها اعله كيفه
?????
موسى الغاضريه صار سيفه وصار عصه
من خزرات عينه هناك مات الجيش نصه
طگ الراس فوك الراس والگصه اعله گصه
واللي راد يشرد ما لگه للشرده فرصه
سيف الموت سيفه خلاها اعله كيفه
?????
من درعه اليجيله يِشْمُره صوب المعسكر
تيهوا من جماله هذا الاكبر هذا حيدر
عض ايده ابن سعد و صاح من لونه تغير
نخلص من أبو فاضل يجينه النوب الاكبر
بهجماته المخيفه خلاها اعله كيفه
?????
من يقاتل يسمونه أُستاذ الغياره
غاره تخلص ويرجع يعيد بسيفه غاره
المايعرف للاكبر صاح يسأل عني جاره
اسمي جنة الله أمس وآني هسه ناره
گالو للخليفه خلاها اعله كيفه
?????
play_arrow
play_arrow
play_arrow
play_arrow
play_arrow
play_arrow
تعليقات