Mon20180924


كلما أسهر الليل

باسم الكربلائي

كلما أسهر الليل باسم الكربلائي
باسم الكربلائي
لطميات
إجعل هذا الفيدیو في موقعك
128 × 72
240 × 135
480 × 270
640 × 360
عرف
:طول
px
:عرض
px
كلما اسهر الليل - باسم الكربلائي
تاريخ الاضافة
2017-10-24
المشاهدة
914
المدة
00:00:00
عدد التحميلات
81

نص هذا المقطع

قصيدة : كلما أسهر الليل

الشاعر : علي السقاي

طور : ما_تنهض_يكرار

 ليلة ١٩ محرم ١٤٣٩ العاشور

كلما أسهر الليل   وَانظُر للگمر

أذكُر عمّي عباس  يم شاطي النهر

لازم تنحمِل   راية بوالفضِل

?????

 أنا المهدي أنا الجِزْعَت سِيوفه

يمته الثار تِتهيّأ ظروفه

أساهر والگمر كلما أشوفه

اِلگمر هاشم تِظل عيني ذَروفه

هذا اَوّل  گمر گطعوا چُفوفه

اْو على الشاطي ابعمَد أصبح خِسوفه

يايوم اَسرِج الخيل   وَاظهَر وَانتفُض

منّ اِغيابي مَلّيت    بس ما أعترُض

اْو للرب تِمتِثِل   راية بو الفضِل

?????

 أنا اِبراية بَطل صار اِعتزازي

تِرافگنا اْو تِبادلنا التعازي

أرِد بيها اْو أطُب عالدنيا غازي

اْو تِرِف خضره ابعزِم فارس حجازي

اليظِنّ الثار تعبيراً مجازي

أخيِّب ظنّه مِن اثأَر وَاجازي

الله الخصني بالثار   بِسم الـمُنتقِم

يعلَم بيّه مولاي     گد هذا الإسِم

اْو تِعلىٰ اْو ماتِذِل   راية بوالفضِل

?????

 اِبوَكِت ثاري إذا صوتي يِدَوّي

عِلو الرايه اِيتنومَس مِن عِلوّي

أُميّه ما تِعَكّر صافي جَوّي

أشَبِّع سيفي من دمها اْو أرَوّي

الخَطَر يجدَح من اعيوني اْو يضَوّي

اْو لجل الطف قليل اشما أسَوّي

أكثر مِن ألِف عام   أتنفّس جمُر

يمكن ساعة الثار   يرتاح الصدُر

بالهَم تشتعِل    راية بوالفضِل

?????

 بُقت هالرايه مطويّه اْو حزينه

تِحنّ اِلعمّي لاچن عمّي وينه

واذا راعيها گِطعوله إدينه

أَعَوّضها اِبإديّه اْو أگُر عينه

عَمود الرايه كِلَّه اِمجرِّحينه

السِلَم موضِع البي قَبضة يمينه

حتى ابگطعة ايديه  تِنهَد مارضه

واِعله الرايه يمناه   ظلّت قابضه

لا رايه مثِل   راية بوالفضِل

?????

 اِبمُحرّم رايته أفرشها حسره

أشِم بيها اْو أحِس لازال عِطره

أثَر دم عمّي عالرايه أنُظره

اْو مو بس دم أشوف اِدموع حمره

أَمَيّز زين وَاعرُف گطره گطره

هاي اِدموع  شَخْص اِنكسر ظهره

ما أغلط بالحسين   أعرُف مَدمعه

هاي اِدموعه مِن صاح   آيالـمشرعه

وين اليكتِفِل   راية بوالفضِل

?????

 إذا گلبي اعله عمّي ابناره يلهَب

الله ايعين گلب الحُرّه زينب

أنا اِبعيد الزَمن وابحُرگه أنحَب

اْو هِيّه اِمْن المصارع چانت اَقرَب

عَجيبة خِدُر  لاچن صار الاعجب

مِن الهِزّل تِطيح اْو هِيّه تِركب

ما أنساها واتصيح  خويه الـمعذره

اِبلا شورَك يعباس   أمشي اميسّره

اْو شِهدَت عالهِزِل   راية بوالفضِل

?????

 على اچفوف الگُمر عيني بَچيها

ثار اَربعطعش معصوم بيها

باچر بالحشُر نِسأَل عليها

اِچفوف الغيره ليش اِمگطّعيها

اْو تِجي الزهره اْو ينوح العرِش ليها

البعَض حسباله محسِن بين اديها

ترفع لله چفين   واتنادي ابألَم

إِحكُم لِبني عباس  يا أعدَل حَكَم

اْو باچر تبتِهِل   راية بوالفضِل

?????

المرسل: الأحد, 01 تموز/يوليو 2018
 
باسم الكربلائي : كلما أسهر الليل