تجارة لن تبور

قصيدة : تجارة لن تبور
الشاعر : ميرزا عادل أشكناني

الرادود : الحاج ملا باسم الكربلائي 

يا مالك الشعور و اللا شعور
سعيا على الرؤوس جئنا نزور
نرجو تجاره لنا لن تبور
******
يا ايها الذين امنوا هل
ادلكم على الطريق الامثل
تجارة تنجيكم من عذاب
بيها الربح يوم القيامة يحصل
فاز القصد يمه
و لا همه حجي العاذل
فاز الذي يحضر
لأبو الاكبر و ابو فاضل
******
وياك اجينا ندخل بتجارة
يا ضامن الصفقة بلا خسارة
يحسين بعنا ارواحنا اشتريها
ردنا الثمن خطوة مشي بزيارة
هاك نزف دمي
و سعر سهمي رخص لجلك
هاك يا سلطاني
علو شاني تحت رجلك
******
يالرايد استثمار و بضمانات
اقرأ بتأمل كامل الزيارات
بمتر بمتر لحسينِ ابني موكب
و اشتري جنة عرضها السماوات
زور ترى الزاير
صبح تاجر مع العترة
زور و اخذ ربحك
اعله گد جرحك من الزهرة
******
انا اللي رأسُ مالهِ رجاءه
رجاءه باللي غسله من دماءه
افضل بضاعة زيارة اربعينه
و الجنة بوابتها كربلاءه
جيت لمعشوقي
انا و شوقي و دمع عيني
جيت بعت عمري
و اريد اشري رضا حسيني
******
مثل التجارة هذه عقلي ما شاف
مضمونه ارباح و تردلي اضعاف
لو انفق بدرب الزيارة دينار
يتعوض الدينار عشرة الاف
صار عقد رسمي
قصر بسمي وياه بكل خطوه
صار السفر مكسب
اذا اتعب التعب يسوه
******
الضيفله زاير و أكرمه بمبيته
هو الحسين بنفسه يحمي بيته
والله يبارك برزق عياله
و يطول عمره و تندفع بليته
شوف الفتح داره
لخطاره شعظم قدره
شوف و اخذ حصة
الحياة فرصة تجي مرة