قصيدة : ريت السافر يعود

 الشاعر : علي درجال

الرادود : الحاج ملا باسم الكربلائی

طور : تحياتي_وسلامي

 ٣ محرم ١٤٣٩ العاشور

 

ريت السافر يعود ماجرحت الخدود

يوم الودع وراح صرت من الحزن عود

******

جيت من الوداع و ها يريت عيوني عميات

مرة بخوف أضيع و اعثر و مرة بالدمعات

درب الماخذك حتى الهوى حسيته بي مات

تدري شكد خذت من عمري يا بويه هاالحظات

لو ميته و لا جيت آيا وحشة البيت

بعدك جم جرح صاح

صرت من الحزن عود

******

كل ليله التمر عبدالله ﭼَـن الصوته أسمع

اوكع و اركض و جفيني كوّه البابي تدفع

تدري بغيبتك ببنيّتك كل مرض يطمع

وابحسره و دمع لفراشي يا محبوبي ارجع

بس حيطاني يمي محد يحجي بٱسمي

ضلت بس الأشباح

صرت من الحزن عود

******

ناسيته المرض وي مارحت بس علتي انت

لحظة خطوتك من باعدت حل موتي سكته

من عندي الذنب من صافحت جفك وعفته

بس لو عاودت متسافر الا واني ميته

ادري عتابي اذاه  لو ماخذني ويا

ليش بدمعي يرتاح

صرت من الحزن عود

******

ما اريد الهوا شهقاتي بي يا والدي تزيد

واني الموت اريده وغيره لاصدقني مااريد

عمري ابلا قمر وابلايه عبدلله ولا يفيد

دنيا وبس مصايب والدموع وصفقت الأيد

كل لحظه بأسمهم انده وأركض إلهم

راحو والدمع ناح

صرت من الحزن عود

******

دوم من الشمس لو حل صبح انخاها ترحل

اعرف هالشمس يحسين الك وين انت تندل

من اشتاق اله وبصدري ميضل هوا تقبل

راح اوياج ادز صوره الي بس خوفي يزعل

مايعرفني لو شاف وجهي من الدمع جاف

بعده يكسر اجناح

صرت من الحزن عود

******

صدرك بويه ذاك الدافي خوفي بخيل ينداس

وصفوا كربله ناس النّوت حربك ولا ناس

فكري تزاحم بصورة عطش وجفوف عباس

واعرف حالي زين وعمري ماوهّمني الاحساس

خوف البيّه مجنون يارب مايشوفون

شر وياخذ ارواح

صرت من الحزن عود

******

معقوله انجرح وحساسك اعرف بيّه يدري

اعتب بويه خوفي وانت نحرك دمه يجري

هم احساسي فز يارب دخيلك شنهو يجري

ليش بجفه احس اصبع وقع ونسحك صدري

حزن العندي ميغيب جرح البيّه ميطيب

جرحه ابلايه جراح

صرت من الحزن عود

تعليقات

لإرسال تعليق یجب أن تسجل في الموقع

مقاطع فيديو

more_horiz

مقالات المرتبطة

آخر الصوتيات المضافة

آخر المرئيات المضافة

  • 2.00x
  • 1.50x
  • 1.00x
  • 0.75x