Sun20210117


يليله يرمله

باسم الكربلائي

يليله يرمله باسم الكربلائي
باسم الكربلائي
لطميات
إجعل هذا الفيدیو في موقعك
128 × 72
240 × 135
480 × 270
640 × 360
عرف
:طول
px
:عرض
px
يليله يرمله - باسم الكربلائي
تاريخ الاضافة
2017-10-05
المشاهدة
1503
المدة
00:18:30
عدد التحميلات
303

نص هذا المقطع

قصيدة : ياليله يارمله
الشاعر : سيد عبدالخالق المحنه

الرادود : الحاج ملا باسم الكربلائي 
المناسبة : ليلة ١٠ محرم ١٤٣٩ العاشور

 

يليله يرمله
تعالن نگعد بخيمه لوحدنه
نقرر نفكر
تره ضيف الزلم هالليله عدنه
نتفق من تحترگ خيمنه
هالعبي بيهن شرف زلمنه
******
تعالن اگعدن
نسولف وحده وحده بهالمسيه
يرمله دِصيحي
رباب وخل تجي سكنه و رقيه
نخلي احتمالات
لكل شي وخل نفكر بي سويه
خواتي بناتي
الأرض هذي اسمها الغاضريه
حچتلي عليها
جناب الزهره من طفوا نجمها
تگلي ييمه
دخيلچ لا تذكريني بإسمها
چانت تسولف لي عن ألمنه
هالعبي بيهن شرف زلمنه
******
يرمله يليله
احسبن چم گمر باچر نفگده
والأكبر ويَه جاسم
تره باچر نزفهم زفه وحده
حقيقه أكيده
أبد سيف العطش ميخلي ورده
لكل أم وابنها
تشبگه وينطبع خدها اعله خده
لهم حق علينه
نوّج شموعهم و انحّني ايديهم
والجروح هلاهل
نطش دموعنه ملبّس عليهم
يا دهر ليش انذبح حلمنه
هالعبي بيهن شرف زلمنه
******
ربابه شگلچ
كلام المختصر بس باچر هواي
رضيعچ وسافه
يذبحه حرمله ويذبحچ بهاي
أريدچ تقبلين
اريد انعى اعله طفلچ وانعي وياي
يمدلول دِللول
دللول وعدوك مانع الماي
والحسين يرد بي
يناديني يزينب بأضعف الصوت
ابعدي تره امه
اذا شافت طفلها تشبگه وتموت
هالطفل بس هالمسيه يمنه
هالعبي بيهن شرف زلمنه
******
رقيه يَ عمه
صعوبه شلون اخبرچ والله حيره
عزيزه حنينه
زغيره انتي ومصيبتنه چبيره
يشمعه يدمعه
عباتچ تشبه سنينچ گصيره
كأني اشوفچ
تموتين بخرابتهم أسيره
أخبرچ اسمعي
يَ طيرة جنه يا ملح المحاچي
أنصحچ واحذرچ
من أذانچ هسه شيليها التراچي
تنسلب والله وتزيدي همنه
هالعبي بيهن شرف زلمنه
******
يسكنه الحبيبه
هله يمدلّـلة ومصابچ يطول
يَ عمه شتگولين
المهر خالي يجي ومن يصهل يگول
الهضيمه الظليمه
يسكنه عفت أبوچ تسحگه الخيول
اركضي واسرعي
تره راس الابو عن جسمه مفصول
أوضح تريدين
شفت راسه اعله رمح العالي مرفوع
مصيبه رزيه
واخبرچ خنصره من چفه مگطوع
ناده يا سكنه الخدر يهمنه
هالعبي بيهن شرف زلمنه
******
من تطيح خيامي
تظل ترمي عليّه سهام العيون
خيالي مثل چان
بلا عباس اجيهم ما يصدگون
انا ادري يباچر
مثل طيحة علمنه تطيح المتون
يسلبون يضربون
المهم بالزهره امي ما يشتمون
اعاتب وانادي
اويلي وين اخويه الدگلي صدره
كأنه ولا شاف
وانا سياط الشمر ظهري تكسره
يا ضوه غير الگمر يلمنه
هالعبي بيهن شرف زلمنه
******
حراير وحدنه
فريسه نصير وعيون الشمر ناب
صعوبه عَليّه
ولا عمري مشيت ابّين الاجناب
وصيتي اذا اطيح
علّي طيحن يعمه وصيرن حجاب
بالعيون دمعتين
اكو دمعة تعال ودمعة عتاب
أتاني يجي الليل
واروحن للكفيل وجدمي حافي
ابچّي واحاچي
واطگ وجهي لحد ميگلي كافي
خل أطمنك يالشلت علمنه
هالعبي بيهن شرف زلمنه
******
يميمون أگله
أخويه المنذبح لازم أحضره
واجيله و اجر سيف
واطبّر راسي مثله اثنعش طبره
وأنادي يهالخيل
اسحگن صدري بس عوفن لي صدره
واخسفك يصدري
اريد شكم ضلع يَمَه أكسره
يسكنه الحوافر
يظل بيها جلد من صدر الحسين
تطشر وألم بي
أدور خنصره ومضيعه چفين
ما أگولن بعدك انهزمنه
هالعبي بيهن شرف زلمنه

المرسل: الثلاثاء, 12 كانون2/يناير 2021