فاقد العالم وطن

قصيدة : فاقد العالم وطن
الشاعر : عبد اللطيف الخالدي

الرادود : الحاج ملا باسم الكربلائي
المناسبة : ليلة ٢٦ جمادى الأولى ١٤٣٨
مؤسسة أنصار الحسين ع/طهران

فاگد العالم وطن
غربه بعد أُم الحسن
الجنه هالليله صدرها
چم ضلع منها انكسر
******
حگها تحتار الخليقه
وبمصابچ تنذهل
يا سِتار الله وحجابه
المايصح مثلچ مثل
الجنة حست بالمصيبه
الفرع تابع للأصل
هيه مثلج يعني حتماً
ويه دارج تشتعل
حين دارچ تحترگ
الحور بالهم تختنگ
جهنم تناشد عجيبه
باب وحي الله استعر
******
بدارچ الآيات نزلت
من إله العالمين
بيها وصف إدخلوها
بسلامٍ آمنين
ليش هالليله اليتامه
اباب دارچ خائفين
إعليچ تبچي لو على
حالة أمير المؤمنين
إعليه هالموقف صعب
گباله مرته تنضرب
والخنگ صدره الوصيه
لمّن إعليها صبر
******
بالحديث القدسي ربنا
الچ وضّح مكرمه
ما خلق هالكون الأكبر
كله لولا فاطمه
يعني ذاك الحمل ناره
وباب دارچ هاجمه
بالحشر كل ذره تشهد
ضده حين تخاصمه
الباب ينقل ما جره
النار تحچي موجّره
بمحكمة رب البريه
يشهد إعليه الحجر
******
كلشي بالكون إعله ضلعچ
يالوديعه يبچي دم
مو عجب حتى الصراط
بلوعته إعليچ انهدم
اي نعم بالدنيا وحدچ
والعدو إبِغَيّه هجم
والوعد يوم القيامه
ربچ هناك الحكم
بيوم ماينفع ولد
حقج يرجعه الصمد
والجحد يالزهره باچر
إعليه تتلهف سقر
******
حاشه يا بضعة محمد
فعل خصمچ ينغفر
گبال عينچ بالقيامه
الله يصدر هالأمر
هالكسر ضلعچ يزهره
صدره لازم ينكسر
واللطم خدج نشوفه
بچف جهنم ينسطر
والعقاب الأزلي
يصدره العالي العلي
مايرحمه الباري كلمن
إعليچ يالزهرة الجسر