قصیدة : ما نعوفك هيهات

الشاعر : حاتم صبري الكاظمي
الرادود : الحاج ملا باسم الكربلائی

ما نعوفك هيهات موسه ابنَ جعفر
******
دار المعاجز دارك الزهية...يا نَفسُ ذوبي بدمعه موسوية
يا بو الرضه و حبك صبح هوية...مكتوبه بيها روحي كاظمية
اجفوفك انت آيات...موسه ابنَ جعفر
******
يا واحد انت و عشقتك ملايين...تشفع له للزاير غدت ركعتين
موسوعة الرقم الإلهي بالدين...ثاني زياره ازيارتك بعد حسين
أعظم الزيارات...موسه ابنَ جعفر
******
دمع المصايب بالحزن ذرفنه...انت فخرنه سيدي و شرفنه
قبلتنه جنات العشق هتفنه...الكاظمية و كربله و نجفنه
جنة السماوات...موسه ابنَ جعفر
******
عالفطره ما مختار بانتقائي...يسمح لي حقي أفخر بولائي
للكاظمية اتشخص انتمائي...بس العشق نوعيته كربلائي
ما إله نهايات...موسه ابنَ جعفر
******
فردوس مأوى تلقه قلبه حاير...شمسين حضنت أربعة مناير
بيوم الزيارة المهدي أدري حاضر...بالباب يهتف يا هله يزاير
تذكرتنه دمعات...موسه ابنَ جعفر
******
يا بو الرضه و هذا طلبنه العدنه...ما غير بابك يقضي كل شددنه
دعوة ملايينك على عهدنه...احفظ يربي و بارك بحشدنه
و انت باب الحاجات...موسه ابنَ جعفر

تعليقات

لإرسال تعليق یجب أن تسجل في الموقع

مقاطع فيديو

more_horiz

مقالات المرتبطة

آخر الصوتيات المضافة

آخر المرئيات المضافة

  • 2.00x
  • 1.50x
  • 1.00x
  • 0.75x