باجر يا بوطالب
باسم الكربلائي
قصيدة : باجر يا بوطالب
الرادود : الملا باسم الكربلائي
الشاعر : عمار الواسطي
طور : والله أفنيها
المناسبة : شهادة أبو طالب (ع) 1438 هـ
حسينية المرحوم داود العاشور
باجر باجر ياابوطالب حقك يعود
باجر باجر موبعيد المهدي موجود
******
كافل حبيب الله ربك الك يشهد
تبقي بسماء الدين يابوشيم فرقد
والحاربك خسران تاريخه ظل أسود
كافل كافل للرسول ابروحك اتجود
******
تكفيك يا مولاي للمصطفي كافل
بعدك علي ابنك بهالخصله متواصل
ومثلك حفيدك صار حي الله أبو فاضل
حقك حقك ما يضيع وابنك يذود
******
روس الفتن قالت ساحر علي المرسل
موعجبه يا مولاي كافل عليك إتقول
من يظهر المحجوب من التبعها ينول
حتما حتما هالفتن يقطعها وابزود
******
سيد قريش وبيك حقه المجد يفخر
اسمك فخامه وصيت ياطيب المعشر
ظهرك حمه الاسلام يكفي حمل حيدر
صلبك صلبك يا بوطالب شايل حيود
******
من يظهر الغايب تتحقق الغايه
غصبن علي الأحقاد بسمك ترف رايه
ليل الظلامه يزول تتحقق الأيه
نورك نورك من صميم الواقع يعود
******
( نزله )
طبعك شمس واشلون غربال يحجبها
كلماتك التاريخ بالذهب يكتبها
ثورة مواقف بيك يتعب اليحسبها
رابح رابح واليضدك يخسر اردود
******
من غيرة الله اينوب بلملحمه عنك
وترف الرايه وبجفه سيف إبنك
بالمهدي لا ميخب ياسيدي ظنك
يومه يومه باذن رب العرش مشهود
المرسل:
الإثنين, 18 كانون2/يناير 2021
