Tue20210511


يا شمس

باسم الكربلائي

يا شمس باسم الكربلائي
باسم الكربلائي
لطميات
إجعل هذا الفيدیو في موقعك
128 × 72
240 × 135
480 × 270
640 × 360
عرف
:طول
px
:عرض
px
يا شمس - باسم الكربلائي
تاريخ الاضافة
2017-06-22
المشاهدة
831
المدة
00:08:07
عدد التحميلات
319

نص هذا المقطع

قصيدة : يا شمس
للشاعر : سيد سعيد الصافي

الرادود : الحاج ملا باسم الكربلائي
المناسبة : شهادة أمير المؤمنين ع
حسينية العاشور البصرة ١٩ رمضان١٤٣٨

يا شمس طول العمر
تضوي احسان و صبر
جرحك ليوم الحشر
ينزف عتاب
******
يا با الحسن خاتمة عمرك
جانت حلم معجزة صبرك
أكبر دليل عن سعة صدرك
قبل الوجود منحفر قبرك
بس الجليل يعلم بقدرك
مابين إديه فوضت أمرك
صوت الأذان منتظر فجرك
ووعد الصلاة ياعلي ينطرك
تحزم بعهدك رحت
ياوعد عجل صحت
ياعلي وحين سجدت
راسك انصاب
******
يا من وفيت صادق بعهدك
عندك يقين منتظر وعدك
بيت الله صار من صرت مهدك
عرش الخلود يا علي لحدك
سر الكتاب يا علي عندك
عند الصلاة دمعك بخدك
و بكل جهاد سيفك بيدك
من العباد من وصل مجدك
يا عظيم من الأزل
كنيتك خير العمل
يمدح بإسمك نزل
فصل الكتاب
******
تسمع آذان موعد احلامك
منك يريد شدة حزامك
لحت السماء يا علي بهامك
مثل النجوم چانت ايامك
مهتم مشيت تنقذ اسلامك
كان المصير يمشي جدامك
بشهر الله ضيف و انت بصيامك
كل خطوة نور نقلة اجدامك
رايح تؤدي الفرض
عالقدر ما معترض
تشرف تراب الارض
يا بو التراب
******
چان الشقي يقوده شيطانه
و بوجهه چان لون عصيانه
جرد عليك سيف بهتانه
نور السجود چان نيشانه
عند الصباح ظلمة دنيانا
فرض الكسور ينعى آذانه
دين الهدى انهدمت اركانه
بدمه انخضب راس قرآنه
و الوحي و رب السماء
و الرسول و فاطمه
حزنوا لحامي الحما
لهذا المصاب
******
بعد الرسول ربك اختارك
بس هو چان يعرف اسرارك
راد الخئون يطفي انوارك
كل ظنه چان يمحي آثارك
بنوح و عزاء أمست أنصارك
و شچم يتيم يركض لدارك
يبچي و يريد يسمع اخبارك
عون الفقير چان فقارك
احنا نفدي شما ردت
بالسلامة لو قمت
وياك اخذنا لو رحت
يا بو الاطياب
******
يا من چنت تنشد علينا
بحب و حنان يالتبارينا
بيد الزمان لا تخلينا
جرحك ترك چم جرح بينا
لا ما نمل من بواچينا
جاري الدموع ما يكفينا
نبچي و نصيح وينه مهدينا
شيعة و نريد ثار والينا
گوم يا سيف العدل
خالجرحنا يندمل
وابتدي بأول طفل
صوبّه الباب

المرسل: الثلاثاء, 08 كانون1/ديسمبر 2020